Ritràt ad Fransésc I 'd Ést
|
C'l artìcul chè 'l è scrit in
Miranduléś |
Al ritràt ad Fransésc I 'd Ést 'l è 'n dipìnt a òli e téla (68x51 cm) fat da 'l pitōr spagnōl Diego Velázquez fra 'l 1638 e 'l 1639. Al s cata in dla galerìa esténsa a Mòdna e l'è una dgl'òpri più impurtànti dla pinacutéca.
Stòria
Dòp ch'in dal 1587 al papa 'l iva casâ via i mémbar dla caśàda di Ést da Frara, custrét dònca a spustàr la capitàl dal ducâ a Mòdna, al duca Fransésc I al vliva lauràr p'r avēr da la sò banda 'l apòǵ dla Spaggna. Par far-al 'l iva decìś ad far un viàś a Madrìd fra 'l 30 'd Utóbar dal 1638 e 'l Mars dal 1939.
Méntar 'l éra là 'l iva urdnâ a Velázquez ad far-'g un ritràt in du a s psis véd'r al rōl da diplumàtig impurtànt ch'al gh'iva in mènt ad far. Al duca 'l è tirâ śò in dal quàdar cun na siàrpa rósa adòs e 'n giachét militàr, cun na ghigna e n'uciàda 'd òṅ ch'al gh sà far.
In dal 2013 al dipìnt 'l è stâ śibî a 'l Museum of Modern Art ad New York.