C'l artìcul chè 'l è scrit in Miranduléś Emiliàn

Redneck Zombies

Na figùra dal film
Redneck śómbi
1987
Regìa: Pericles Lewnes
Scritōr: P. Floyd Piranha
Zoofeet • Fester Smellman
Atōr: Lisa M. DeHavenW.E. BensonKen Davis
William W. DeckerStan MorrowAllan Hogg
James HousleyAustin BrewerTyrone Taylor
Müsica: Adrian Bond
Léngua: Ingléś
Dürä dal film: 84 minüt
Nasiōṅ: Stat Unî


«
Lì lōr i èṅ di biasadōr ad tabàc, di budlòṅ śtrangulsòṅ e di parènt magnacàrna da 'l Infèran.»
(Tagline dal film)


Redneck Zombies (Redneck śómbi) l'è na cumèdia 'd scarésa dal 1987 ad Pericles Lewnes, distribuî da qvéi dla Troma.

'L è stâ girâ c'n un budget ad déś-mila dòlar in dal campàgni dal Delaware e dal Maryland da 'n grup ad studènt in di fiṅ 'd stmana lìbar.

Sunt

Un militàr (Tyrone Taylor) in viàś su la sò jeep 'l è drē a purtàr via un càr'g ad scòri radiuatìvi druàdi da 'l eśèrcit americàṅ par far dgl'armi. Mént'r al s fà na cana al pèrd al cuntròl par 'n àtim dal sò mèś e 'n barìl śal al salta fóra pardénd-'s in un camp ad furmintòṅ in un sit ad campàgna. Al barìl al finìs in dal maṅ 'd un grup ad redneck impgnâ a far dla grapa. Jed Clemson (William E. Benson) al decìd ad druàr-al par far un quèl da bévar vérd ciamâ "Monster Shot" par pò véndar di buslòt in gir cun cal lavōr lè dèntar. Chi lò 'l è 'l pàd'r ad dna famìja ad cuntadèṅ badilòṅ in du a gh'è anc Junior (P. Floyd Piranha), Jethro (William Decker), Billy Bob (Pericles Lewnes) e l’Imelda (Alice Fay Stanley), sò mujér.

Purtròp cal bévar lè radiuatìṿ al trasfórma tuta la gint dal pòst in śómbi magna-carna. Un grup ad campegiadōr al gh'à da far i cònt cun chi móstar lè, par furtùna che òṅ al fà a mènt che un sò parfùm spray 'l è bòṅ ad far scar i śómbi. Anc tri suldâ, vgnû apòsta par catàr al barìl pardû, i gh finìs'n in mèś. Sōl la Lisa Dubois (Lisa M. DeHaven) la gh la cava a scampàr.

Culegamènt estéran