Apri il menu principale

C'l artìcul chè 'l è scrit in Miranduléś Emiliàn

La sufatàra 'd Pusōl


Pusōl (Pozzuoli in itagliàṅ, Pëzzulë in napulitàṅ) 'l è 'n cumùṅ itagliàṅ 'd utànt'un-mila abitànt dla Campàgna, in dla sità metrupulitàna 'd Nàpuli ch'la gh cunfìna anc sèg acsè cuma Bàculi, Giugliàṅ e Quàrt. Al gh'à na superfìsi 'd 43,44 km², a 28 m su 'l livèl dal mâr.

Al s cata su 'l Gōlf ad Nàpuli in un sit vulcànig, i camp Flegrei, c'n un vulcàṅ incóra impìs a tri km da 'l sèntar dla sità, la Sulfatàra, ch'la buta fóra dla śmalta bujénta e dl'anidrìde sulfuróśa.

In sità a gh'è anc un marcâ dal pés dimóndi grôs, al tèrs più grand 'd Itàglia in fiṅ a 'l 2009.

Fra i sò munumènt a 'rcurdém al “Santuàri 'd San Genâr a la Sulfatàra”, la “Céśa 'd Santa Marìa dal Grasi”, dū antiteàtar rumàṅ e 'l “Témpi 'd Seràpid”.

Al sò sìndig, da 'l 2012, 'l è Vincenzo Figliolia dal PD.

Culegamènt estéran