C'l artìcul chè 'l è scrit in Miranduléś Emiliàn

Civati 'l è da la banda d'l internet


Giuseppe Civati (Mónśa, 4 'd Agóst dal 1975), cgnusû méj cuma Pippo Civati, 'l è 'n pulìtic itagliàṅ dal Partî demucràtic. 'L è anc scritōr avénd pò na laùrea in filuśufìa in bisàca da 'l 2008[1]. Al gh'à i cavìi rós.

Dòp èsar stâ elèt a la Cambra di deputâ in dla circuscrisiòṅ Lumbardìa 1 in dal 2013 e avér pruâ a dvintàr segretàri dal partî, 'l à dâ vita a la curènt di “Civatiani” dòp qvéla 'd “Andiamo oltre” (Andém óltar).

Biugrafìa

Dòp un diplòma a 'l lìceo clàsic in dla sò sità e èsar dvintâ cunsiliér cumunàł a Mónśa in dal 1997 p'r i Demucràtic ad sinìstra, in dal 1998 al tōś la laùrea in filuśufìa a Milàṅ. Da 'l 2002 a 'l 2004 'l é mémbar dla segreterìa prunvisàla di DS a Milàṅ pò par dū an al fà àtar tant in Lumbardìa. In dal 2009 al dà 'l sò apòǵ a la musiòṅ 'd Ignazio Marino e pò al dvènta 'l curdinadōr nasiunàl dla sò campàgna p'r al primàri dal Partî demucràtic.

In dal 2010 al vèṅ elèt in regiòṅ e pò al dà vita, insém a Carlo Monguzzi, a 'l muimènt “Andiamo oltre”. In dal Nuvémbar dal 2010 al mét in pē, insém a 'l sìndic ad Firénse Matteo Renzi, al cungrès “Prossima fermata: Italia” (Farmàda a vgnir: Itàglia) par spasàr via tut i vèć rutàm dal partî ma pò al s śluntàna da lò.

In dal 2013 al fà al sò ingrès a la Cambra di deputâ e al s fà càrag ad catàr 'n acòrd cun qvéi dal Muimènt Sinc Stéli par métar sù al guèran ma al n gh la cava minga. In séguit al n vóta minga la fidùcia a Enrico Letta quànd chi lò al gh'à biśógn di vōt dal Pòpul dla Libertà.

In dal Dicémbar dal 2013 al tōś part a 'l primàri par dvintàr segretàri dal sò partî ma al riva tèrs c'n al 14,2% di vōt dòp Matteo Renzi e Gianni Cuperlo. In dla diresiòṅ dal 13 ad Favràr dal 2014 al s mét ad travèrs a 'l ducumènt ad Renzi cónt'r al guèran Letta che lò al n vliva minga. Da la sò banda un grup ad sustenidōr dla curènt di “Civatiani”. Anc in séguit al dà cóntar da spés a 'l sò segretàri [2][3][4][5][6][7][8][9][10][11][12][13][14][15][16][17][18][19][20][21][22][23][24][25][26][27][28][29][30][31][32][33][34][35].

Culegamènt estéran

Nòti

  1. Civati: la biugrafìa, da la filuśufìa a la pulìtica ad sèntar-sinìstra politicanti.it, 26 ad Mars dal 2014
  2. La foto ad Renzi cun Mandela su FB la fà arliàr Civati ilsole24ore.com, 6 ad Dicémbar dal 2013
  3. Civati cóntar Renzi: un śbali andàr a catàr Berlusconi globalist.it, 20 ad Śnar dal 2014
  4. Pd, Civati: “A-j-ém vutâ cóntar Renzi” reporternuovo.it, 13 ad Favràr dal 2014
  5. Pippo Civati e i siē arvèrs cónt'r al guèran Renzi giornalettismo.com, 19 ad Favràr dal 2014
  6. Giuseppe Civati al dà cónt'r a 'l guèran Renzi "La magiurànsa dal Partî demucràtic la dà 'l paéś a Silvio Berlusconi" repubblica.it, 21 ad Favràr dal 2014
  7. Civati e Mineo cóntar Renzi: avànti su 'l ddl Chiti c'n al vōt di 5 Stéli bergamonews.it, 10 'd Avrìl dal 2014
  8. Cuperlo, D'Alema e Bersani: insém cóntar Renzi la7.it, 14 'd Avrìl dal 2014
  9. Civati: su la rifórma dal Senàt a n gh'è mia 'l acòrd, 'l è sōl un pastìs tmnews.it, 28 'd Avrìl dal 2014
  10. Civati, cuntènt pròpria briśa p'r al triònf ad Renzi: "A n mònt minga insìma a 'l car dal vinsidōr" ilgiorno.it, 29 ad Maǵ dal 2014
  11. Asembléa dal Pd, Civati pulèmic cun Renzi: "'L à piciâ cum un magnàṅ" polisblog.it, 14 ad Śugn dal 2014
  12. Partî Demùcratic, Civati cóntar Renzi: “Clima ad terōr su 'l rifórmi” blitzquotidiano.it, 14 ad Śugn dal 2014
  13. Civati cóntar Renzi: «Gestiòṅ ch'la s davśìna dimóndi a 'l autoritarìśum» lasinistraquotidiana.it, 30 ad Śugn dal 2014
  14. Civati al crìtica Renzi, gl'eletōr dal Pd i gh daṅ adòs in sal web controcopertina.com, 7 ad Luj dal 2014
  15. Artìcul 18, Civati a Renzi: "Al Pd al rìsćia la scavśadùra ilgiornale.it, 27 ad Setémbar dal 2014
  16. Civati al gh la prumét a Renzi: "A 'l Senàt al s mét in di guàj" panorama.it, 30 ad Setémbar dal 2014
  17. “A n m pîg minga. E s'la dèlega la n càmbia briśa a vōt cóntar” intervìsta a Pippo Civati sinistraemezzogiorno.it, 2 'd Utóbar dal 2014
  18. Pat di “Apòstui”: Vendola, Landini e Civati unî cóntar Renzi italia-24news.it, 6 'd Utóbar dal 2014
  19. Guèran: Civati al cunférma ch'l and'rà a la manifestasiòṅ Cgil, pulémica in dal PD theblazonedpress.it, 16 'd Utóbar dal 2014
  20. Renzi a la Leopolda: "A fag dū mandâ". Civati, "Al dascór cuma Berlusconi" ansa.it, 25 'd Utóbar dal 2014
  21. Taramòt in dal Pd, Civati: un méś p'r andàr via. Fassina: da Renzi a vój dal dmandi precìśi tiscali.it, 27 'd Utóbar dal 2014
  22. Civati: «Renzi in dal fàbrichi? L'è na pruvucasiòṅ» giornaledibrescia.it, 2 ad Nuvémbar dal 2014
  23. Civati al tórna a bcar Renzi : "Al vōl 'l incidènt p'r andàr a gl'elesiòṅ" polisblog.it, 3 ad Nuvémbar dal 2014
  24. Diresiòṅ dal Pd, Civati: “Renzi, ciàma Berlusconi ch'a fém prima” ilfattoquotidiano.it, 13 ad Nuvémbar dal 2014
  25. Pd: Civati, i sundàǵ i vaṅ mâł, a gh'ém da 'rvultàr-as a Renzi agi.it, 16 ad Nuvémbar dal 2014
  26. Civati al s fà testimonial dal lìbar cóntar-Renzi ilgiornale.it, 19 ad Nuvémbar dal 2014
  27. Civati al n fà minga di pas indrē: “In 30 a n vutarém briśa al Jobs Act” interris.it, 25 ad Nuvémbar dal 2014
  28. Tasi, Boccia-Civati (Pd) a Renzi: Web tax in cunsìli Ue. Dòp Lóndra al silénsi in dal seméstar dl'Itàglia al n gh'à mia giustificasiòṅ ilvelino.it, 4 ad Dicémbar dal 2014
  29. Civati al dascór ad tut: "A sém stuf ad cla sinìstra chè... ad dèstra". "Sud bandunâ" piueconomia.it, 4 ad Dicémbar dal 2014
  30. Civati al ciàma i suo a Bulógna p'r al pat dal minga Naśarèṅ globalist.ch, 12 ad Dicémbar dal 2014
  31. Pd, Civati al buta lè la scavśadùra: «Se Renzi al cuntìnua acsè a fag 'n partî nóṿ» Corriere.it, 13 ad Dicémbar dal 2014
  32. Giuseppe Civati (Pd): “Renzi 'l è 'n ingómbar” Sciscianonotizie.it, 21 ad Dicémbar dal 2014
  33. Al pinsēr ùnic rensiàṅ 'l è na mòda laprovinciadivarese.it, 22 ad Dicémbar dal 2014
  34. Civati: «Méntar Matteo al ségna c'n al dî i grandòć, Syriza al fà frònt a i quèi véra» partitodemocratico.it, 31 ad Dicémbar dal 2014
  35. Civati: “Renzi 'l è ad dèstra. Adìo a 'l Pd in primavéra” blog.quotidiano.net, 19 ad Śnar dal 2015