Pilatus PC-12

.

Al Pilatus PC-12 l'é un aparèc per servési póblich, cun sōl un mutōr ed un êla bâsa, progetê e prodòt da l'aşiènda 'd avisiòun şvésra Pilatus Aircraft.

Stôria

Al progrâma PC-12 l'é stê inviê a la fîn ed j ân otânta da la Pilatus Aircraft per un progèt 'd un aparèc nōv da traspôrt alzēr e 'd afâri, cun la gabèina in presiòun, cun sôl 'na turbèina e a êla bâsa bòun ed purtêr comdamèint 9 persòuni in pió al dō ed l'equipâg.

I progetésta ed l'aşiènda àn şvulupê un aparèc da la fuşolēra cun la sesiòun a retângol per utgnîr acsé 'na gabèina bòuna ed tgnîr, in cumditê, 6 pasegēr int l' aspèt VIP e fîn a un mâsim ed 10 persòuni secònd la preparasiòun normêla.

La déta svésra l'à decîş ed druvêr al sistēma a sôl un mutōr per permèter, a chi cumprêva l'aparèc, ed paghêrel a un prèsi bâs e avèir un còst 'd ûş bâs rispèt a j aparèc ed l'istèsa categoréia cun 2 mutōr.

Al prém mudèl l'à vulê per la préma vôlta al 31 ed mâg dal 1991.

La Pilatus l'à şvilupê, in pió dal mudèl civîl p'r al trspôrt ed persòuni e rôba, ânca un mudèl per cûmpit ed patólia e surveliânsa da zibîr al marchê militêr ciamê in urégin Eagle.

Difâti grâsia a la só filoşofía ed progèt avêrt, l'aparèc l'é adât a divêrs cûmpit, da patólia dal mêr, da ricognisiòun e piatafōrma ed cmâd e contròl int al misiòun ed guèra letrônica, cun al muntâg ed radar, aparèc letrônich e sistēma a l'infraròs.Errore nelle note: Parametro non valido nel tag <ref>

Mudē

PC-12: L'é al prém mudèl dal PC-12 fât in şfilsa, l'ēra cucê da un mutōr a turboelica Pratt & Whitney Canada PT6A-67B
PC-12/45: Secònd mudèl in şfilsa, l'é stê certifichê int al 1956 e caraterişê da un pèiş mâsim a l'alvêda avmentê; cun l'istès mutōr dal mdèl ed préma
PC-12/47: Mudèl certifichê int al 2005 miliorê incòra di pió, cun l'avmèint dal pèiş a l'alvêda; la muturişasiòun cumpâgn' a i mudê fât préma
PC-12/47E: Mudèl certifichê int al 2008 e cucê da un mutōr turboelica Pratt & Whitney Canada PT6A-67P.
PC-12M Spectre: Mudèl ciamê in urégin Eagle, al vîn druvê in môd principêl per cûmpit specêl da j ôrghen ind l' ambiĵt militêr.
PC-12NG: Mudèl arnuvê cgnusu cme NextGeneration.
U-28A: Destinê a j ôrghen militêr USAF.

Nôti

Elèinch di léber

Riccardo Niccoli - Aerei - De Agostini, Novara 2000. ISBN 88-415-5605-6.

Êter progèt

Wikimedia Commons contiene file multimediali su Pilatus PC-12

Colegamèint d'ed fōra

Fôto

Pilatus PC-12 insém a "airliners.net"

Nôta: cla pâgina ché l'é stêda inviêda cun 'na tradusiòun da Pilatus PC-12 trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.