Parlami d'amore (film 2008)
|
C'l artìcul chè 'l è scrit in
Miranduléś |
 Parlami d'amore
| ||
.png) La Sánchez-Gijón e Muccino in na figùra dal film | ||
| Dascór mèg 'd amōr 2008 | ||
|---|---|---|
| Regìa: Silvio Muccino | ||
| Scritōr: Silvio Muccino • Carla Vangelista | ||
| Atōr: Silvio Muccino • Aitana Sánchez-Gijón Carolina Crescentini • Iñaki Font • Flavio Parenti Geraldine Chaplin • Andrea Renzi • Max Mazzotta | ||
| Müsica: Andrea Guerra | ||
| Léngua: Itagliàṅ • Francéś | ||
| Dürä dal film: 109 minüt | ||
| Nasiōṅ: Itàglia • Spaggna | ||
Parlami d'amore (Dascór mèg 'd amōr) 'l è 'n film dal 2008 ad Silvio Muccino ch'al 'l à scrit insém a la Carla Vangelista. La pelìcula l'è stada bòna 'd far sù 7.490.612 euro, al vintéś'm incàs più grand in Itàglia ad c'l an lè.
In dla culòna sunóra dal film a s cata 'l bran Tear Down These Houses scrit e cantâ par la Skin su mùśichi 'd Andrea Guerra e Luigi Schiavone a la chitàra.
Sunt
Sasha (Silvio Muccino) 'l è 'n śuvnòt pòvar, armàś òrfan dòp la mòrt di sò genitōr drugâ, ch'al lavóra 'l légn par mistēr. Na sira chi lò al fà 'n incidènt in màchina cun la Nicole (Aitana Sánchez-Gijón), na dóna ch'l'inséggna francéś a Róma, e in mèś a gh finìs anc un caṅ ciamâ Oliva. Par savēr se la bèstia l'è pò scampàda, la Nicole la và a catàr al ragàs in dla vila in du 'l è drē a far di lavōr ad ristruturasiòṅ. I dū i dvènt'n amìg e la dóna la s śibìs 'd insgnàr di truc par cunquistàr cal dóni, esénd che Sasha al s è inamurâ dla fiōla visiàda dal pruprietàri dla vila Riccardo (Giorgio Colangeli), la Benedetta (Carolina Crescentini).
Da 'l cant suo la Nicole l'è in criśi cun sò marè Lorenzo (Andrea Renzi) anc parchè la n s è mai misa 'l cōr in paś par la mòrt dal sò vèć muróś, al tòsic-dipendènt Thierry (Iñaki Font), fiōl dl’Amelie (Geraldine Chaplin).