Nightmare III: I guerrieri del sogno

C'l artìcul chè 'l è scrit in Miranduléś Emiliàn

A Nightmare on Elm Street 3:
Dream Warriors
Nightmare III: I guerrieri del sogno

L'Arquette e la Langenkamp in na figùra dal film
Arbgàt 3: I gueriér d'l insùni
1987
Regìa: Chuck Russell
Scritōr: Wes Craven • Bruce Wagner
Frank Darabont • Chuck Russell
Atōr: Heather LangenkampPatricia Arquette
Robert EnglundCraig WassonKen Sagoes
John SaxonJennifer RubinRodney Eastman
Müsica: Angelo Badalamenti
Léngua: Ingléś
Dürä dal film: 96 minüt
Nasiōṅ: Stat Unî


«
S'at pèns ad saltàr-'g-an fóra viṿ... at sē incóra drē a insuniàr.»
(Tagline dal film)


Nightmare III: I guerrieri del sogno (Arbgàt 3: I gueriér d'l insùni) 'l è 'n film ad scarésa americàṅ dal 1987 ad Chuck Russell. 'L è 'l tèrs capìtul dla saga 'd Nightmare dòp Nightmare - Dal profondo della notte dal 1984 e Nightmare II: La rivincita dal 1985, prima 'd Nightmare IV: Il non risveglio dal 1988, Nightmare VI: La fine dal 1991, Nightmare V: Il mito dal 1989, Nightmare VI: La fine dal 1991, Nightmare - Nuovo incubo dal 1994 e d'l incróś c'n al persunàǵ ad Jason Voorhees ad Venerdì 13, Freddy vs. Jason dal 2003, e d'l arfacimènt Nightmare dal 2010.

Custâ quàtar migliòṅ e mèś ad dòlar, al 'n à pò purtâ a cà da piò ad quarànta-quàt'r in di sōi Stat Unî.

Sunt

La śōvna Kristen Parker (Patricia Arquette), dòp 'n insùni in dua Freddy Krueger (Robert Englund) al gh curìva adrē, la s déśda pinsànd ch'a sia stâ sōl 'n arbgàt. La và acsè a lavàr-as la ghigna in bagn ma lè Freddy al gh tira na śgranfgnàda in dal pōls. Sò màdar, l’Elaine (Brooke Bundy), pinsànd ch'l'àppia tintâ ad tōr-as la vita, la la spedìs in d'l uśdàł psichiàtric ad Westin Hills par far-la curàr.

L'è la cata l'ùnica scampàda a i masèl ad Freddy, la Nancy Thompson (Heather Langenkamp), in cal méntra dvintàda dutōra, ch'la lavóra insém a 'l psichiàtra Neil Goldman (Craig Wasson). In dla strutùra a gh'è di àtar ragàs in cura: Phillip Anderson (Bradley Gregg), ch'al s divertìs a far di buratèṅ, cal grintèṅ ad Roland Kincaid (Ken Sagoes), la Jennifer Caulfield (Penelope Sudrow) ch'la vōl dvintàr n'atōra da granda, l'èx drugàda Taryn White (Jennifer Rubin), Joey Crusel (Rodney Eastman) armàś traumatiśâ da i sò arbgàt tant ch'adès al n dascór piò e William Stanton dit "Will" (Ira Heiden) ch'al gira in carusìna dòp ch'l iva tintâ ad masàr-as.

Durànd la prima nòt Freddy al tórna a cumparìr in di arbgàt dla Kristen che però la capìs 'd èsar bòna 'd tiràr dènt'r in di sò insùni dl'atra gint vlénd-al e acsè la s fà jutàr par la Nancy ch'la la salva. Phillip invéci al n è mia furtunâ parchè Krueger, prima ad far-al butàr śò par la fnèstra, al gh cava via a féti i mùscui di bras e dal gambi faghénd-al dvintàr un buratèṅ. Chi lò 'l è sōl al prim dal vitmi dal móstar 'd Elm Street.

Culegamènt estéran