My Beautiful Laundrette
|
C'l artìcul chè 'l è scrit in
Miranduléś |
 My Beautiful Laundrette
| ||
| My Beautiful Laundrette | ||
 Warnecke e Day-Lewis in na figùra dal film | ||
| La mè bèla bugadàra a getòṅ 1985 | ||
|---|---|---|
| Regìa: Stephen Frears | ||
| Scritōr: Hanif Kureishi | ||
| Atōr: Gordon Warnecke • Daniel Day-Lewis Saeed Jaffrey • Roshan Seth • Shirley Anne Field Richard Graham • Gordon Warnecke • Rita Wolf Derrick Branche • Garry Cooper • Saeed Jaffrey | ||
| Müsica: Ludus Tonalis | ||
| Léngua: Ingléś • Urdu | ||
| Dürä dal film: 97 minüt | ||
| Nasiōṅ: Régn Unî | ||
My Beautiful Laundrette (La mè bèla bugadàra a getòṅ) l'è na cumèdia dramàtica dal 1985 ad Stephen Frears.
In dal 1999 al British Film Institute 'l à mis cla pelìcula chè a 'l 50śum pòst dla lista di sènt film britànic fat méj dal XX sécul.
Sunt
Omar Ali (Gordon Warnecke) 'l è 'n śōvan cun di urìgini pakistàni ch'al viṿ a sud ad Lóndra darènt a la stasiòṅ di trêṅ. Sò pàdar Hussein (Roshan Seth) dit Papa, na vòlta giurnalìsta ad sinìstra a Mumbai, 'l è 'n mèś imbariagòs e 'l è cóntar la pulìtica dal Régn Unî dla sgnōra Thatcher, méntar sò sîṅ, al fùrub Nasser Ali (Saeed Jaffrey), i bèsi al i à fat e al gh'à anc na fiōla in età da marè, la Tania (Rita Wolf), e n'amànta śōvna, la Rachel (Shirley Anne Field). Chi lò al tōś sò anvōd a lavuràr in dla sò lavandarìa pò, da 'l mumènt ch'al gh'à dla vója e dal bèli idéi, Omar al gh admànda ad psēr-la purtàr avànti lò.
Par far sù di bèsi al fà di lavursèṅ par 'n àtar pakistàn, Salim (Derrick Branche), cuma scarusàr dla dròga dla 'l aeropòrt e 'l sò quartēr. Al sò sòci in dla bugadàra a getòṅ 'l è sò vèć cumpàgn ad scóla e adès sò amànt, Johnny Burfoot (Daniel Day-Lewis), mémbar 'd un grup ad piaciadōr punk e rasìsta. Par la pòvra Tania (Rita Wolf), ch'l iva butâ 'l òć pròpria su sò cuśèṅ, 'l è 'n brut cōlp.
La bugadàra la gh'à sucès e Omar, ch'l arév vlû che sò fiōl al studìs, al gh'à da métar-'s al cōr in paś.