Muśèo Ferrari
|
C'l artìcul chè 'l è scrit in
Miranduléś |
Al muśèo Ferrari, cgnusû cuma Galerìa Ferrari in fiṅ a 'l 2011, 'l è 'n muśèo 'd màchini ch'al s cata a tarśènt métar da i stabilimènt Ferrari 'd Maranèl, in pruìnsa 'd Mòdna, in via Dino Ferrari 43.
'L è stâ avèrt in dal 1990 e in dal 2018 al gh'à abû tarśènt-stantamìla viśitadōr.
Al muśèo, ch'al gh'à na superfìsi ad dumìla-sincsènt métar quàdar, 'l è pîṅ 'd màchini da cursa e spurtìvi dla Ferrari mo al fà anc védar prèmi, fóto e àt'r ugèt ligâ a la scuderìa dal cavalèṅ rampànt.