Morituris
|
C'l artìcul chè 'l è scrit in
Miranduléś |
 Morituris
| ||
 Na figùra dal film | ||
| id. 2011 | ||
|---|---|---|
| Regìa: Raffaele Picchio | ||
| Scritōr: Tiziano Martella Gianluigi Perrone • Raffaele Picchio | ||
| Atōr: Valentina D'Andrea • Francesco Malcom Andrea De Bruyn • Giuseppe Nitti • Simone Ripanti Désirée Giorgetti • Bianca Ciocca • Mariano Baffi | ||
| Müsica: Riccardo Fassone | ||
| Léngua: Itagliàṅ • Rumên | ||
| Dürä dal film: 83 minüt | ||
| Nasiōṅ: Itàglia | ||
Morituris (id.) 'l è 'n film ad scarésa dal 2011 ad Raffaele Picchio.
La pelìcula la n è minga pasàda p'r i cìnema itagliàṅ parchè la cumisiòṅ 'd reviśiòṅ la n gh'à mia dâ 'l parmés cinsurànd-la.
Sunt
Dū śuvnòti furastéri dl'èst Európa in vacànsa in dal Lasi (Valentina D'Andrea e Désirée Giorgetti) i cgnós'n in discutéca tri ragàs dal pòst (Andrea De Bruyn, Giuseppe Nitti e Simone Ripanti) e i decìd'n ad tgnir-'g adrē quànd chi lōr i gh prumét'n ad purtàr-li a 'n rave party ad nòt.
Dòp un gir in màchina, i sinc i vàn'n in un bòsc esénd che chi óm i gh dìśan ch'a gh'è da pasàr da 'd lè par rivàr a la fèsta. Dòp avēr impisâ 'n fōg e avēr fat dū ridùdi insém, gl'itagliàṅ i gh sàltan adòs e i li viuléntan cuma dal bistiàsi, cumpàgn a 'n sò amìg pîṅ 'd bèsi ciamâ Jacques (Francesco Malcom).
Al ragàsi i próv'n a 'rvuntàr-as e a scapàr via ma i finìsan da la padèla a la braś parchè da i àlbar i sàltan fóra par cupàr-li sinc gladiadōr śómbi di tèmp dla Róma antìga, giustisiâ in alóra par Spàrtac in parsòna par la sò cativèria. A s trata 'd Trace (Mariano Baffi), Secutor (Carlo De Angelis), Caronte (Flavio Fortuna), Reziario (Adriano Malloni) e Mirmillone (Francesco Bernardini). Anc i masć i vìnan fat fóra òṅ adrē a c'l àtar. I sinc cadàvar i vìnan pò inciuldâ a dal crōś piantàdi lung la strada.