Matteo Salvini
|
C'l artìcul chè 'l è scrit in
Miranduléś |
Matteo Salvini (Milàṅ, 9 ad Mars dal 1973) 'l è 'n pulìtig itagliàṅ dla Léga Nòrd e dal partî Nuàtar par Salvini.
Da śōvan 'l à fat al cuncurènt in di prugràma 'd Mediaset Ślàlom Dópi ad Corrado Tedeschi[1] e Al Pranś 'l è Sarvî ad Davide Mengacci[2].
Dòp èsar stâ spuśâ cun la giurnalìsta Fabrizia Ieluzzi, ch'la gh'à dâ 'n fiōl, avēr visû cun la Giulia Martinelli, ch'la gh'à dâ na fiōla fémna, e èsar-'s mis cun la preśentadōra Elisa Isoardi[3], adès al stà cun la fiōla 'd Denis Verdini, la Francesca[4].
Par la campàggna dgl'elesiòṅ pulìtighi dal 2018, in du al s preśènta in cualisiòṅ insém a Fòrsa Itàglia, a Fradèi 'd Itàglia e a Nuàtar cun l'Itàglia, Salvini al decìd ad tiràr via la paròla Nòrd da 'l sò partî e 'd sfrudàr al sit internet Salvini Premier in du 'l invìda i sò sustenidōr a mét'r un “A m piàś” a i sò post par muciàr sù di punt e vìns'r acsè di prèmi cuma dal telefunàdi sèg, di post c'n al sò foto a tri migliòṅ ad fan e di incóntar riservâ c'n al „Capitàṅ“ ch'al sarév pò lò[5].
Nòti
- ↑ Quànd Salvini 'l iva tòlt part a «Ślàlom Dópi» Corriere della Sera, 15 ad Mars dal 2016
- ↑ Salvini cuncurènt a 'Al Pranś 'l è Sarvî' in dal '93: 'A sòṅ òṅ ch'a n fag gnint' Ansa, 21 ad Nuvémbar dal 2014
- ↑ Matteo Salvini, maṅ in dla maṅ cun l'Elisa Isoardi su 'l Gargàṅ Corriere della Sera, 13 'd Agóst dal 2016
- ↑ L'Istâ calda 'd Matteo Salvini e dla Francesca Verdini a Milàṅ Marìtma Il Giornale, 23 ad Luj dal 2019
- ↑ Salvinipremier.it, al sit nóṿ c'n al cuncōrs "Vins Salvini" La Repubblica, 11 ad Favràr dal 2018
Wikiquote contiene citazioni di o su Matteo Salvini
Wikimedia Commons contiene file multimediali su Matteo Salvini
