C'l artìcul chè 'l è scrit in Miranduléś Emiliàn


«
Loro non sanno di che parlo, voi siete sporchi, fra', di fango, giallo di siga fra le dita, io con la siga camminando, scusami ma ci credo tanto che posso fare questo salto e, anche se la strada è in salita, per questo ora mi sto allenando e buonasera signore e signori, fuori gli attori, vi conviene toccarvi i coglioni, vi conviene stare zitti e buoni.»
(IT)(Zitti e buoni, 2021)
«
Lì lōr i n sànan minga qvél ch'a dascór, vuàt'r a sî muśnènt, fra', ad śmalta, śal 'd siga fra 'l dida, mè cun la siga girànd, scuś'um bèṅ ma a gh créd dimóndi ch'a pòsa far cal salt chè e, anc s'la strada l'è in salìda, par qvést adès mè a sòṅ drē a 'lenàr-um e bòna-sira sgnōri e sgnōr, fóra gl'atōr, a v cunvîṅ tucàr-'v i cajòṅ, a v cunvîṅ taśēr e star bòṅ.»
(MUD)
I quàtar mémbar di Måneskin in dal 2019


I Måneskin (a s lèś [ˈmɔːnəˌsgen] in danéś, paròla ch'la vōl dir Ciàr ad Luna) i èṅ un grup rock itagliàṅ nâ a Róma in dal 2016 miténd insém al baterìsta Ethan Torchio, al chitarìsta Thomas Raggi, la basìsta Victoria De Angelis e 'l cantànt Damiano David.

La banda la s è fata cgnósar rivànd secónda a l'11śma edisiòṅ dal prugràma televiśìṿ X Factor in du i curìvan par Manuel Agnelli. In cal perìud lè a véd la luś anc al sò prim disc, 'n EP ciamâ Chosen.

In dal 2018 l'è la vòlta dal prim àlbum in studi da 'l tìtul Il ballo della vita. Cal lavōr chè al gh l'à cavàda a purtàr a cà tri disc ad plàtin in Itàglia.

Al 30 'd Utóbar dal 2020 i Måneskin i aṅ fat vgnir fóra 'l sìngul Vent'anni pò in dal Mars dal 2021 i aṅ vins al Fèstival ad Sanrémo cun la canta Zitti e buoni, braṅ ch'al gh'à anc parmìs ad rivàr prim a 'l Eurovision Song Contest 2021.

«
Cammino per la mia città ed il vento soffia forte, mi son lasciato tutto indietro e il sole all'orizzonte, vedo le case, da lontano, hanno chiuso le porte ma per fortuna ho la sua mano e le sue guance rosse, lei mi ha raccolto da per terra coperto di spine.»
(IT)(Torna a casa, 2018)
«
A gir par la mè sità e 'l vènt al sópia fòrt, a m sòṅ lasâ incòśa da drē e 'l Sōl a 'l uriśónt, a véd al cà, da luntàṅ, i aṅ i us sarâ ma par furtùna a gh'ò la sò maṅ e 'l sò ganàsi rósi, lē la m à catâ sù da par tèra quaciâ 'd spèṅ.»
(MUD)

Discugrafìa

Al cantànt di Måneskin tòlt śò in dal 2018

Àlbum in studi

  • 2018 - Il ballo della vita
  • 2021 - Teatro d'ira - Vol. I
  • 2023 - Rush!

EP

  • 2017 - Chosen

Sìngui

  • 2017 - Chosen
  • 2018 - Morirò da re
  • 2018 - Torna a casa
  • 2019 - Fear for Nobody
  • 2019 - L'altra dimensione
  • 2019 - Le parole lontane
  • 2020 - Vent'anni
  • 2021 - Zitti e buoni
  • 2021 - I Wanna Be Your Slave
  • 2021 - Mammamia
  • 2022 - Supermodel
  • 2022 - The Loneliest

Culegamènt estéran