Luster (film)
|
C'l artìcul chè 'l è scrit in
Miranduléś |
 Luster
| ||
.png) La Pamela Gidley in na figùra dal film | ||
| Luśènt 2002 | ||
|---|---|---|
| Regìa: Everett Lewis | ||
| Scritōr: Everett Lewis • Dennis Cooper | ||
| Atōr: Justin Herwick • Shane Powers • B. Wyatt Pamela Gidley • Sean Thibodeau • Willie Garson Jonah Blechman • Norman Reedus • Brian Grillo | ||
| Müsica: Garret Scullin • Mark Kreistl | ||
| Léngua: Ingléś | ||
| Dürä dal film: 92 minüt | ||
| Nasiōṅ: Stat Unî | ||
Luster (Luśènt) l'è na cumèdia dal 2002 'd Everett Lewis, giràda a Hollywood.
La pelìcula la cònta 'l viséndi 'd soquànt persunàǵ in un fiṅ 'd stmana a Los Angeles.
Sunt
Venardè
Dòp avēr tòlt part a n'òrgia, al puvéta punk Jackson (Justin Herwick) al s déśda p'r andàr a lauràr in dal negòsi 'd disc dal sò amìg Sam (Shane Powers). Chè 'l incróśa un sò cliènt, Derek (Sean Thibodeau), ch'al gh diś 'd ès'r inamurâ 'd lò. Jackson però al gh'à 'n impégn più impurtànt da tgnir adrē parchè la rock star Sonny Spike (Willie Garson) al vrév che lò al scrivìs i tèst dal disc ch'l è drē a registràr.
In gir insém a sò cuśèṅ Jed (B. Wyatt), Jackson al firma 'n lìbar 'd Kurt Domain (Chris Freeman) pò al và a tōr un cafè insém a 'n ragàs ch'l iva tòlt part a l'òrgia dla sira prima, Billy (Jonah Blechman), ch'al gh piàś dimóndi.
Sàbat
Jackson al s mét a scrìvar dal pueśìi su 'l pèt e su la pansa 'd Jed. Chi lò al partìs pò cun la futógrafa Alyssa (Pamela Gidley) ch'la gh'à da far sèg un servìsi in dal deśèrt par na móstra ch'la gh'à da tgnir a New York. Jackson al cunségna pò i sò scrit a Sonny e 'l śibìs na cambra a Billy ch'l éra stâ piciâ da 'l sò èx muróś, ch'a s vîṅ a savēr ch'l éra Sonny in parsóna.
Dméndga
Jackson al pòrta Jed a 'l aeropòrt ch'al gh'à da turnàr in Iowa, pò l’Alyssa la gh diś che Sam al s è tòlt la vita parchè 'l éra inamurâ 'd lò ma 'l iva capî ch'a n gh'éra vèrs. Al ragàs al decìd ad mét'r-as cun Derek.