Lupus in fabula
|
C'l artìcul chè 'l è scrit in
Miranduléś |
Lupus in fabula (literalmènt al lóv dal dascōrs) l'è na manéra 'd dir latìna ch'a s dróa anc da 'l nòstri bandi p'r indicàr la situasiòṅ in dua a s dascór o a s fà riferimènt a qualchidòṅ che, tut 'd un trat, al s para davànti a i preśènt a 'l impruvìś faghénd-i taśēr.
Cl'espresiòṅ chè, ch'la n vōl minga dir „al lóv in dla fòla“ cuma dimóndi parsòni i pénsan, la daśvîṅ da na cardénsa dal pòpul ch'la diś ch'la gint ch'la véd al lóv la pèrd la vóś esénd ch'la gh armàgn pròpria.