Luca Toni
|
C'l artìcul chè 'l è scrit in
Miranduléś |
.jpg)
Luca Toni (Pavùl, 26 ad Maǵ dal 1977) 'l è 'n śugadōr ad fólbar emigliàṅ, atacànt dal Veróna. 'L è élt 1 métar e 93 e al péśa utànt'òt chilo.
In dla sò caréra 'l è stâ bòṅ ad vìns'r un campiunâ dal mónd in dal 2006 in Germâgna. C'n al Bayern ad Mònag 'l à vins un campiunâ tedésc (faghénd vint-quàtar gòi e vinsénd al tìtul ad capcanunér), na cópa 'd Germàgna e na cópa 'd liga tedésca. In Itàglia 'l è stâ capcanunér in dla stagiòṅ 2005-2006 cun la maja dla Fiurentìna adòs.
Caréra
Dòp avér śugâ in di pulśèṅ dal Mòdna da 'l 1991 a 'l 1994, 'l atacànt ad Pavùl al vèṅ tòlt in dla róśa dla prima squàdra in dua al fà sù, in dū an, trénta-dū preśénsi e sèt gòi.
In dal 2003 al vèṅ cumprâ da 'l Palèrum. In Sicìglia al gh rèsta par dū an e al fà sinquànta gòi in utànta partìdi. In dal 2005 al pasa pò a la Fiurentìna in dua al vins al tìtul ad capcanunér in Sèrie A e acsè i tedésc dal Bayern ad Mònag i gh bùtan gl'òć adòs. C'n i bavaréś Luca al śōga ssanta incóntar faghénd trént'òt gòi. Al 14 ad Dicémbar dal 2014, sgnand un gòl a l'Udinese, al riva a tarśènt gòi da prufesiunìsta e lò al fà fèsta cun na maja cun scrit insìma in dialét Mudnéś “300 Goool ...Menga pôc!”[1].
Cun la maja dl'Itàglia al vìns al mundiàł dal 2006, psénd cuntàr su quarànta-sèt preśénsi e sédas gòi.
Culegamènt estéran
Nòti
- ↑ Toni, 300 gòi da prufesiunìsta e a n sintìr-i briśa. Al bomber al ségna e al fà fèsta: "Minga pôc" rainews.it, 14 ad Dicémbar dal 2014