Lontano da casa (film 1989)

C'l artìcul chè 'l è scrit in Miranduléś Emiliàn

Far From Home
Lontano da casa

Anthony Rapp e la Barrymore in na figùra dal film
Luntàṅ da cà
1989
Regìa: Meiert Avis
Scritōr: Theodore Gershuny • Tommy Lee Wallace
Atōr: Matt FrewerDrew BarrymoreKaren Austin
Richard MasurSusan TyrrellAndras Jones
Anthony RappConnie SawyerJennifer Tilly
Müsica: Jonathan Elias
Léngua: Ingléś
Dürä dal film: 86 minüt


«
In viàś vèrs la pèrdida dl'inusénsa.»
(Tagline dal film)


Lontano da casa (Luntàṅ da cà), cgnusû anc c'n al tìtul ad Ritorno a casa, l è 'n thriller dramàtic dal 1989 ad Meiert Avis.

La pelìcula, giràda a Gerlach e a Carson City in Nevàda, la n à fat sù gnanc dódas-mila dòlar.

Sunt

Al giurnalìsta separâ Charlie Cox (Matt Frewer), in viàś vèrs la Califòrgna insém a sò fiōla 'd tréd'ś an, la Joleen (Drew Barrymore), al finìs la benśìna in un pustàs deśèrtic dal Nevàda e 'l è custrét a pasàr la nòt in dla stasiòṅ 'd rifurnimènt ad Duckett (Richard Masur) spetànd ch'i rìv'n i rifurnimènt. Al tōś in afìt na roulotte da l’Agnes Reed (Susan Tyrrell), na dóna rabìda ch'la siga sèmpar e ch'la gh'à in mènt sōl i bèsi da spiuciàr a la gint in viàś. Chi lē la gh'à 'n ragàs ciamâ Jimmy (Andras Jones) e na baghéta ch'la guàrda sèmp'r i cartòṅ animâ in televiśiòṅ, la Sissy (Stephanie Walski).

La Joleen l'incróśa Jimmy in pisìna e la sènt i prim śgriśōr par lò anc se, cum a diś anc al sò amìg “ginger” Pinky Sears (Anthony Rapp), lì lò 'l è 'n śuvnòt piutòst viulènt. Da 'l cant suo Charlie al cgnós dū dóni armàśi a séc anc lōr, la Louise (Karen Austin) e l’Amy (Jennifer Tilly), e 'l decìd ad far-as scarusàr par Duckett p'r andàr a pascàr dla benśìna da la sgnōra Viney Hunt (Connie Sawyer) ch'la stà piutòst luntàṅ lung al deśèrt. Méntar 'l óm 'l è via a vîṅ catâ 'l cadàvar dl’Agnes masàda in dla vasca da bagn méntar sò fiōl al próa a viulentàr la Joleen, salvàda a 'l ùltim da Pinky.

Quànd Charlie, la Joleen, la Louise e l’Amy i èṅ prònt a partìr cun la màchina dal dū dóni, cun la benśìna cumpràda da la sgnōra Hunt, qualchidòṅ al gh śbuśìs al serbatòj e pò al gh dà fōg. L’Amy la mōr bruśàda viva méntar chi àt'r i la scàmpan. Al sierìf Bill Childers (Dick Miller) al dà la cólpa a cal làd'r ad Jimmy ma 'l ciàpa na cantunàda parchè, cum i dìśan sèmp'r i vèć ch'i la sànan lunga, „Al piò bòṅ di rós 'l à ficâ sò pàd'r in dal pós“.

Culegamènt estéran