C'l artìcul chè 'l è scrit in Miranduléś Emiliàn

Link
Link

Link 'l impìsa 'n fulminànt in na figùra dal film
Ligàm
1985
Regìa: Richard Franklin
Scritōr: Everett De Roche
Lee David Zlotoff • Tom Ackermann
Atōr: Elizabeth ShueKevin LloydDavid O'Hara
Terence StampSteven FinchRichard Garnett
Joe BelcherLinus RoacheCaroline John
Müsica: Jerry Goldsmith
Léngua: Ingléś
Dürä dal film: 103 minüt
Nasiōṅ: Régn Unî


«
Esperimènt in dal terōr.»
(Tagline dal film)


Link (Ligàm) 'l è 'n film ad scarésa britànic dal 1985 ad Richard Franklin. La pelìcula la gh'iva 'd èsar fata in Austràglia ma par di mutìṿ ad bèsi l'è pò stada giràda in dal Régn Unî (preciśamènt a St. Abbs in Scòsia).

Al film 'l à purtâ a cà al prèmi speciàl di giùdas dal Fèstival 'd Avioraz dal 1986.

La sìmia prutagunìsta dal film 'l è 'n uràng piturâ 'd négar (al sarév rós/maròṅ ad suo) par parér un simpansè brut e catìṿ.

Sunt

La Jane Chase (Elizabeth Shue) l'è na studènta universitària che par tiràr avànti la tgniva a drē a i putèṅ prima 'd andàr a dar na maṅ a 'l dutōr Steven Phillip (Terence Stamp) ch'al fà dal ricérchi su dal bèsti. Chi lò al tîṅ sèg anc tri sìmi, Imp, Voodoo e Link, qvist chè 'n uràng ad quarànta-sinc an dimóndi inteligìnt ch'l éra stâ druâ in pasâ in un sirc.

Link al dà na maṅ in dal laburatòri ma al fà da spés quél ch'a gh pâr e anc dal caśèṅ e al dutōr Phillip al s mét in tèsta l'idéa ad cupàr-al ma la Jane la n è mia 'd acòrd sèg. Un dè però la Voodoo la vèṅ catàda mòrta e Steven al sparìs sénsa dir gnint pròpria quànd al gh'iva da far fóra 'l uràng. Da 'l cant suo Link al taca a dvintàr catìṿ e preputènt in di cunfrònt dla Jane, al gh pruibìs anc ad druàr al telèfun, tgnénd-la parśunēra lè dèntar.

Quànd pò chi lē la 'l punìs lasànd-al fóra ad cà, Link al taca na guèra cónt'r al gèn'r umàṅ.

Culegamènt estéran