Lina Medina
|
C'l artìcul chè 'l è scrit in
Miranduléś |
La Lina Marcela Medina de Jurado (Ticrapo, 27 ad Setémbar dal 1933 - ) l'è stada na dóna peruviàna arcurdàda da la literadùra dla madśìna mundiàla p'r èsar stada la màdar più śōvna ch'a s cgnós, avénd parturî 'n fiōl masć quànd l'éra sōl na putìna e la gh'iva sinc an, sèt méś e vint-i-òṅ dè.
A 'l inìsi i dutōr, vdénd la sò pansa bèla pîna, i pìnsavan ch'al gh'is un càncar prima 'd véd'r invéci ch'l'éra gravda 'd sèt méś. A la Lina i gh'èṅ vgnudi 'l téti a quàt'r an.
La baghéta la n à mai vlû dir chi al fus al pàdar, a s pōl dar ch'al fus pròpria sò pàdar ch'l è stâ anc arestâ prima 'd èsar lasâ lìbar parchè i n gh'éran mia dal próvi cónt'r ad lò.