C'l artìcul chè 'l è scrit in Miranduléś Emiliàn

La città delle donne

La Bernice Stegers in na figùra dal film
La sità ad cal dóni
1980
Regìa: Federico Fellini
Scritōr: Bernardino Zapponi
Federico Fellini • Brunello Rondi
Atōr: Marcello MastroianniAnna Prucnal
Bernice StegersJole SilvaniEttore Manni
Sibilla SedatMirella D'AngeloPenny Brown
Marcello Di FalcoDominique Labourier
Luciana TurinaCarmen RussoNadia Vasil
Müsica: Luis Bacalov
Léngua: ItagliàṅVènetFrancéś
Emigliàṅ e RumagnōlIngléśTedésc
Dürä dal film: 139 minüt
Nasiōṅ: ItàgliaFrància


«
La sità ad cal dóni 'l è 'n film su 'n óm ch'l invénta cal dóni.»
(Tagline dal film)


La città delle donne (La sità ad cal dóni) 'l è 'n film franco-itagliàṅ dal 1980 ad Federico Fellini, vinsidōr ad quàtar „Nàstar 'd Argìnt“. Durànt la laurasiòṅ dla peliculà, 'l atōr Ettore Manni 'l è mòrt a 'l impruvìś a 52 an esénd che méntar 'l éra drē a pulìr al sò sćiòp a gh'è partî 'n cōlp ch'al 'l à cupâ.

'L è stâ preśentâ fóra cuncōrs a 'l 33śum Fèstival ad Cannes.

Sunt

Marcello Snàporaz (Marcello Mastroianni), durànt un viàś in trêṅ, al buta 'l òć su na dóna (Bernice Stegers) ch'l'è drē a trucàr-'s in dal cèso. Esénd ch'la gh piàś dimóndi, al s fà avànti par na ciuladìna sèg anc s'l è bèla spuśâ cun l’Elena (Anna Prucnal). La dóna a pâr ch'la gh astìs mo pò la s in và in quàt'r e quat'r òt parchè l'è rivàda a destinasiòṅ. Dòp èsar śmuntàda śò in na farmàda in mèś a campàggna, 'l óm al gh tîṅ adrē e 'l riva in 'n albêrg pîṅ 'd dóni ch'a gh'è 'n evènt ad feminìsti rabìdi e dimóndi lèśbichi.

Quànd al capìs che cal dóni là i n al vólan mia lè, tacànd anc a dar-'g adòs, Snàporaz al decìd ad far-as dar un pasàǵ da 'n dunòṅ in mòta (Jole Silvani) mo chi lē, invéci 'd scarusàr-'l in stasiòṅ, la 'l pòrta a cà sua par gusàr-'s-al. 'L óm al scapa via ma 'l finìs p'r incruśàr un grup ad ragàsi strani ch'i tàc'n a cùrar-'g adrē c'n al sò màchini.

Snàporaz al s lóga alóra in na vila in mèś a 'l bòsc 'd un santòṅ dal sès, al dutōr Katzone (Ettore Manni). Chi lò 'l è 'n masć da na vòlta, dimóndi malnét, ch'al tîṅ al registrasiòṅ àudio dal sò gusàdi, ligàdi a 'l fóto dal dóni ch'al s è purtâ a lèt. Adès 'l à urganiśâ na fèsta esénd rivâ a déś-mila. A la fèsta a gh'è anc l’Elena.

Culegamènt estéran