C'l artìcul chè 'l è scrit in Miranduléś Emiliàn

La casa del sorriso

La Thulin e Dado Ruspoli in na figùra dal film
La cà dal surìś
1991
Regìa: Marco Ferreri
Scritōr: Marco Ferreri
Liliane Betti • Antonino Marino
Atōr: Ingrid ThulinDado RuspoliLucia Vasini
Enzo CannavaleMaría MercaderLucio Caizzi
Nunzia FumoFrancesca AntonelliSilvia Betti
Elisabeth KazaEster CarloniElena Falgheri
Müsica: Bruno Guarnera
Léngua: ItagliàṅFrancéś
Dürä dal film: 110 minüt
Nasiōṅ: Itàglia


La casa del sorriso (La cà dal surìś) 'l è na cumèdia dramàtica itagliàna dal 1991 ad Marco Ferreri ch'l'à vins 'l Òrs 'd òr a la 41śma edisiòṅ dal Fèstival ad Berlîn c'n al pùblic ch'al fisćiàva e Ferreri ch'al dgiva «Fisćiâ, fisćiâ pur che mè a m divertìs!».

L'è anc stada numinàda par vìnsar quàtar David ad Dunatèl e dū Nàstar 'd Argìnt ma la n à purtâ a cà gnint.

Sunt

La Giovanna Bottini (Lucia Vasini), armàśa védva ad sò marè Alberto e cun dū ragasōli da tiràr sù, la manda la màdar dal mòrt, la śvedéśa ex "miss surìś" Adelina (Ingrid Thulin), in 'n uspìsi rumagnōl par vèć ciamâ “La cà dal surìś”. La gh fà vénd'r anc al sò apartamènt in manéra ad gòd'r-'s in paś i sènt-a-ssanta migliòṅ ad franc dl'asicurasiòṅ.

La nóna la dvènta amìga 'd 'n óm cal viṿ anca lò in dla cà prutèta ch'l è spuśâ cun n'ungheréśa, l’Esmeralda (Elisabeth Kaza). Chi lò al gh'à ssanta-sinc an, al s ciàma Andrea (Dado Ruspoli), dit “al mìstar”, e al sà sunàr la chitàra africàna. C'n al pasàr dal tèmp i dū i dvènt'n amànt e i tàc'n anc a far 'l amōr in dla sò cambra e in na roulotte pituràda cuma na langória ch'l à tòlt in prèst da di sò amìg africàṅ.

Quànd gl'infarméri i capìsan ch'la fà la spurcaciòna, par daspèt i gh lōgan la dintéra. L’Adelina la s vargóggna dimóndi e la dmanda di bèsi a sò nōra par cumpràr-an n'atra ma chi lē la n in vōl savér. Alóra la dóna la s in mét una c'n i dènt ad Dràcula.

Culegamènt estéran