C'l artìcul chè 'l è scrit in Miranduléś Emiliàn

The Funhouse
Il tunnel dell'orrore

Wayne Doba in na figùra dal film
Al tùnel dla scarésa
1981
Regìa: Tobe Hooper
Scritōr: Lawrence Block
Atōr: Elizabeth BerridgeJack McDermott
Jeanne AustinShawn CarsonKevin Conway
Cooper HuckabeeMiles ChapinMona Agar
Largo WoodruffSonia ZominaHerb Robins
Müsica: John Beal
Léngua: Ingléś
Dürä dal film: 96 minüt
Nasiōṅ: Stat Unî


«
Pagàr p'r andàr dèntar, pargàr par vgnir fóra.»
(Tagline dal film)


Il tunnel dell'orrore (Al tùnel dla scarésa) 'l è 'n film ad scarésa dal 1981 da Tobe Hooper girâ in dal nòrd ad Miami in Flòrida.

'L à fat sù sèt migliòṅ e òt ad dòlar.

Sunt

Mèntar l’Amy Harper (Elizabeth Berridge) l'è drē a far-as na dócia, un tisi misterióś al s insfìls' in dal bagn c'n un curtlàs in maṅ e pò al tira 'l téndi par tiràr-'g un cólp. Par furtùna ch'l è sōl un schèrs, al curtèl 'l è ad guma e lò 'l è 'l sò fradèl pìcul Joey (Shawn Carson), un baghét ch'al và mat p'r i film ad scarésa cuma Psyco.

Cla sira lè, anc se sò pàdar (Jack McDermott) al n è minga dal parēr, l’Amy la decìd 'd andàr a 'n parc ad divertimènt da quàtar sòld insém a 'l sò muróś nóṿ Buzz Dawson (Cooper Huckabee), a la sò amìga Liz (Largo Woodruff) e al sò ragàs, minga tant un chilo, Richie (Miles Chapin). Rivâ là i śōv'n i staṅ adòs p'r un pôc a n'indvinadōra, la Madame Zena (Sylvia Miles), pò i guàr'd un spetàcul ad móstar dla natùra e ad striarìa e a la fiṅ i s fùman dla marijuana.

Richie al n è minga cuntènt incóra e al dmanda a chi àtar tri ad pasàr-'s al tèmp in dal “tùnel dla scarésa” par védar s'i gh 'n aṅ al curàǵ. Lè dènt'r i véd'n òṅ ch'al n dascór mai giràr cun la mascra ad Frankenstein adòs. In dal scûr lì lò al vōl gusàr-as la Zena e al gh dà sènt dòlar par far-al ma pò, śburànd subìt, al i vrév anc indrē. Chi lē la n gh pénsa gnanc ad far-al e alóra lò, in un scat 'd arlìa, al la masa.

In cal mént'r i ragàs i vrév'n andàr fóra ma i n gh la càvan briśa. Tintànd ad scapàr, Richie al śgranfgna i bèsi dla casafòrt. Al padròn dal Luna Park, Conrad Straker (Kevin Conway), al capìs cuś è sucès a la Zena e al véd ch'a gh cala di bèsi. Cardénd ch'l i àppia fargâ 'l sò fiōl adutìṿ Gunther (Wayne Doba), al gh i dà e in cal mumènt lè a casca śò la mascra faghénd védar la sò ghigna tuta dasfurmàda 'd un móstar cun la miròla fisa a 'l naś, i dènt in fóra tut ruinâ e di cavìi biànc daspatnâ da vèć. Gunther al fà a mènt che chi śōvan là i aṅ vdû incòsa e al i cópa. A gh'armàgn sōl l’Amy ch'la taca a sigàr ma ninsòṅ al la pōl jutàr.

Culegamènt estéran