Il club dei 39
|
C'l artìcul chè 'l è scrit in
Miranduléś |
 The 39 Steps
| ||
| Il club dei 39 | ||
 La Carroll e Robert Donat in na figùra dal film | ||
| Al club di 39 1935 | ||
|---|---|---|
| Regìa: Alfred Hitchcock | ||
| Scritōr: Charles Bennett John Buchan • Alma Reville | ||
| Atōr: Robert Donat • Madeleine Carroll Lucie Mannheim • Godfrey Tearle • Helen Haye Peggy Ashcroft • Frank Cellier • Wylie Watson Jerry Verno • John Laurie • Gus McNaughton | ||
| Müsica: Charles Williams Hubert Bath • Jack Beaver | ||
| Léngua: Ingléś | ||
| Dürä dal film: 81 minüt | ||
| Nasiōṅ: Régn Unî | ||
Il club dei 39 (Al club di 39) 'l è 'n film thriller dal 1935 'd Alfred Hitchcock trat da 'l rumànś I trénta-nóṿ scalèṅ ad John Buchan. In Itâglia 'l è cgnusû anc c'n al nóm 'd I 39 scalini e 'l è stâ girâ in biànc e négar.
In dal 1999 al British Film Institute al 'l à mis a 'l quàrt pòst di sènt film britànic fat méj dal XX sècul.
Sunt
Richard Hannay (Robert Donat) 'l è 'n canadéś a Lóndra par di afâr. Na sira al và a teàtar par véd'r un spetàcul ad Mister Memory (Wylie Watson), òṅ ch'al gh'à la memòria ad Pic dla Miràndla e al sà rispóndar a tut qvél ch'a gh vèṅ dmandâ. A 'd un sèrt punt a s sènt un sćiòp fra 'l pùblic e a mónta sù na casutarìa. In mèś a 'l caśèṅ Hannay al juta na dóna a scapàr via sèg. Chi lē la diś ad ciamàr-'s Annabella Smith (Lucie Mannheim) e la gh dmanda ad psēr pasàr la nòt da lò.
Rivâ in d'l apartamènt che Richard al gh'à a Portland Place, la dóna la gh cònta 'd èsar n'agìnta di servìsi segrét ingléś e ch'l'è drē a pascàr qvéi dn'urganiśasiòṅ ad spìi ciamàda “I trénta-nóṿ scalèṅ”. Chi lōr i vrévan purtàr via i piàṅ par muntàr gl'aparéć militàr dal Régn Unî. In teàtar l'éra stada 'rcgnusùda e alóra, par paràr via tut qvi là, l'iva sparâ 'n cōlp a salve. Al cap dl'urganiśasiòṅ al cambia nóm e aspèt da spés ma al s pōl arcgnósar listés parchè a gh manca 'n pès dal dî mìgnul in dla maṅ dèstra.
Durànt la nòt l’Annabella la ciàpa na scurtlàda da qualchidòṅ ma prima 'd murìr almànc la fà in tèmp a numinàr a Richard al nóm dal pòst in dua la gh'iva d'andàr par la sò misiòṅ in Scòsia. P'r al fat che la dóna la sia mòrta in cà sua, Hannay al gh'à tut i òć adòs e la pulisìa la créd ch'al sia stâ lò a cupàr-la. 'L óm al tōś un trên p'r andàr in dua la gh'à dit 'd andàr l’Annabella ma anc lè al gh'à i pulisiòt ch'i gh tìn'n a drē. P'r a n far-as minga védar e p'r èsar lasâ in paś méntar i pulisìot i pàsan p'r al sò scumpartimènt, 'l óm al s prila e al taca a baśar na ragasōla sintàda lè davśèṅ, la Pamela (Madeleine Carroll).