Herman Van Rompuy
|
C'l artìcul chè 'l è scrit in
Miranduléś |
.jpg)
Herman Achille Van Rompuy (Etterbeek, 31 'd Utóbar dal 1947, in ulandéś a s lèś [ˈɦɛɾmɑn vɑn ˈɾɔmpœy]) 'l è un pulìtic bèlg dal partî di cristiàṅ demucràtic fiamìng (CD&V) ch'l è dvintâ al presidènt dal cunsìli europèo al 1 ad Dicémbar dal 2009. Al gh starà in fiṅ al 30 ad Nuvémbar dal 2014 parchè i gh'aṅ dâ 'n àtar mandâ.
I al ciàman anc Mr. Euro parchè da 'l 2011 al tîṅ a drē a i tàvui in du a s dascór ad c'l argumènt lè.
Prima ad cal mistēr lè 'l iva fat al minìstar dal bilàns dal Bélgi da 'l 1993 a 'l 1999, al presidènt dla cambra di rapreśentànt da 'l 2007 a 'l 2008 e prim minìstar dal sò paéś da 'l 2008 a 'l 2009.
Van Rompuy 'l è spuśâ e al gh'à quàtar fiōi. A gh piàś scrìvar di haiku (puéśìi cichi giapunéśi) e strudiàr gl'uśèi. Al tîṅ la squàdra ad balòṅ d'l Anderlecht.