Funtàna dla Cumùna éd Spilambèrt

C'l artìcul chè 'l è scrit in Spilambertés Emiliàn

La Funtàna dla Cumùna éd Spilambert

La funtàna dla Cumùna ed Spilambért l’è ‘na statua dal scultór mudnès Alfredo Gualdi che as pól vàdder a Spilambert a l’ingrès dal palàz dla Cumuna in Piazza Caduti Libertà.

La só stòria

Al palaz dla Cumuna ed Spilambert al gné tiré só ind al 1938 e fin da alora vers la Piaza a gh’è ‘na gran funtana ch’la fó fata dal scultor mudnes Alfredo Gualdi (1885-1958). Sta statua l’è un lavurir tótt simbolich, al vol fèr vàdder i qué pió important dla nostra tèra: al lavor dla campagna (la vanga), la buntè dla tèra (el pianti da fruta), l’abundanza d’aqua (la funtana) e, naturalmeint, la zèint, rapresenteda da na famìa; e par i tri cristian, l’artésta al tulé a model tri de Spilambért: l’amm as ciameva Flaminio Bergonzini, la dànna Pina Lazzari e al putèin Aquilino Clò.