French Affair

C'l artìcul chè 'l è scrit in Miranduléś

«

I, I've been waiting so long, sitting here by the phone and I really don't wanna be alone at home, I just don't know what to do, I'm in the move to make love to you and I'm dreaming all your body that's build for to..., you're so, you're so... sexy sexy sexy, I need your love, I need no esitation, you're so sexy sex sex sexy, feel me now and stop the conversation.»

(EN)(Sexy, 2001)

«

Mè, mè a-j-ò spetâ acsè tant, sintàda chè darènt a 'l telèfun e a n vój minga 'rmàgnar dabòṅ a cà da par mè, a n sò briśa csa far, a gh'ò vója 'd far 'l amōr tèg e a m insùni 'l tò còrp ch'l è fat par..., at sē acsè, at sē acsè... sexy sexy sexy, a gh'ò biśógn dal tò amōr, sénsa tiràr-la tant in lung, at sē acsè sexy sès sès sexy, tast'um e mucla 'd dascórar.»

(MUD)

I French Affair i èṅ un grup muśicàl eurodance francéś e tedésc fundâ in dal 1999 p'r òpra di prudutōr Torsten e Kasten Dreyer, dū fradèi. I èṅ cgnusû specialmènt p'r i sìngui I Want Your Love, My Heart Goes Boom (La Di Da Da) e Sexy. Al sò sucès più grand al gh 'l à abû in Germâgna ma in tut al manéri i èṅ stâ bòṅ ad véndar dū migliòṅ e mèś ad còpi in tut al mónd.

Biugrafìa

La prima cantànta dal grup, la Barbara Alcindor, l'éra na francéśa ad Parì ch'la fava la mudèla a Lóndra. Dòp avér cgnusû i Dreyer la firma sèg un cuntràt cun la BMG par pò far vgnir fóra a 'l inìsi dal 2000 al sìngul ad sucès My Heart Goes Boom (La Di Da Da) ch'al gh la cava a finìr a 'l quìnt pòst in soquànti clasìfichi in Europa. In séguit a véd la luś 'n àtar sìngul, Do What You Like, e 'l prim àlbum, Desire.

In dal 2001 l'è la vòlta ad Sexy, àtar braṅ dimóndi vindû. Dòp i sìngui I Like That e Comme ci comme ça al grup al càmbia la cantànta tulénd l’Aimee e faghénd vgnir fóra i disc “Rendezvous” e “Belle Epoque”.

Mémbar

Karsten Dreyer
Thorsten Dreyer
Barbara Alcindor
Aimee

Discugrafìa

Sìngui

1999 - My Heart Goes Boom (La Di Da Da)
2000 - Do What You Like
2000 - I Want Your Love
2000 - Poison
2001 - Sexy
2002 - I Like That
2003 - Comme Ci Comme Ça
2003 - Everything Is You/Sexy

Àlbum

2000 - Desire
2006 - Rendezvous
2008 - Belle Epoque