Folclore Contadino
Artéccol in dialètt mudnés
Folclore contadino l-è un sit internet par dēr dagl’infurmaziòun ed-cô la véta ed tant tèimp fà, la cusèina di nòster nōn, i pruvêrbi e i détt d-alôra, parchè a srévv bèin che tôtt chi quê 'd-na vôlta i-n gnés(s)en brisa scurdē e par fēri cgnóser ai żôven d’incô. L-è un ed chi pòch sit in du a-s ciacàra in dla nostra léngua.
Al sit al gh-ha dèinter artícol ed-cô al tradiziòun, al rizēti e al dialátt, diségn ed Giorgio Rinaldi e dl-eter ancára. L-è organizèe da persòuni ch'i gh-han piò ed vînt an ed pasiòun a sti argumèint.