Festivalfilosofia

Artéccol in dialètt mudnés

Al Festivalfilosofia 'l è na manifestasiòun culturèla itagliàna che da 'l 2001 la gh'è tót i an in tri sitê dla pruvèinsa ed Mòdna, oséa Mòdna, Chèrp e Sasól.

Al Festival

Al festival al gh'è tót i an ala fin dla smana ed metê ed setèmber e 'l gh'à dal lesiòun magistrèli, dal mòstri d'êrt, ginta ch'la sòuna, félm, zōg e magnèdi sèimper a téma; al téma, ch'l è diferèint an per an, 'l è 'n argumèint d'arèint a la filośoféa. Per tùta la durèda dla fin dla smana, venerdè, sàbet e dmènga, i s fan di discórs in dal piàsi, in di teàter e in dal cési dal trî sitê. Tót i evèint i n'còsten gninta.
In dal pasèr di an a 'l festival i an tolt pèrt dla ginta importànt in dal camp dla filosoféa e ménga sól cla lè, acsè cóm ad esèimpi Enzo Bianchi e Jeremy Rifkin.

In dl'edisiòun dal 2007 a gh éren pió ed 130 000 cristiàn e pió ed 100 000 in quèla dal 2008

Tema di festivàl

Tót i an a 'l festival al gh'à un téma diferèint:

• 2001: felicitê
• 2002: blèssa
• 2003: vétta
• 2004: mònd
• 2005: sensi
• 2006: umanitê
• 2007: savér
• 2008: fantaséa
• 2009: comunitê
• 2010: furtóna
• 2011: natùra
• 2012: śavàj
• 2013: amèr
• 2014: glòria
• 2015: ereditê
• 2016: agonìśem

Manéri 'd dìr

• (MUD) Da quand i fan al Festival dla Filosofia, chè in piaza a a-n s cata piò un ignorant per fèr do ciacri.

Guèrda anch

• "Festivaletteratura" ed Mantua
• "Festival della Filosofia" ed Ròma

Ligamèint ed fóra

• (IT) Al sit uficèl dal festival in dla réda.