Elodie (cantànta)

C'l artìcul chè 'l è scrit in Miranduléś

«

A volte fisso lo specchio e penso che ho fatto quasi trenta anni e non è un granché, ho i tuoi vestiti qui da me e ricomincia la guerra delle spunte blu, si è fatto tardi e mi sa che non esco più tanto risponderai alle tre.»

(IT)(Pensare male, 2019)

«

Dal vòlti a but 'l òć in dal spèć e a pèns ch'a-j-ò fat dagnóra trént'an e a n è minga 'n gran quèl, a gh'ò i tò vistî chè da mè e a taca incóra la guèra dal spunti blù, a s è fat tard e a créd ch'a n vag più fóra tant at rispundrà a tri óri.»

(MUD)

L’Elodie Di Patrizi, cgnusùda méj sōl cuma Elodie (Róma, 3 'd Maǵ dal 1990, a s lèś [eloˈdi] in itagliàṅ) l'è na cantànta itagliàna, fiōla dna màdar francéśa uriginària dla Guadalùpa.

La s è fata cgnósar in dal 2016 tulénd part a la 15śma edisiòṅ dal talent show Amìg dla Maria de Filippi in du l'è rivàda secónda. In c'l an lè la fà vgnir fóra 'l sò prim àlbum, prudót par l'Emma Marrone, da 'l tìtul Un'altra vita. L'an dòp la canta 'l braṅ Tutta colpa mia a 'l Fèstival ad Sanrémo rivànd utàva e la fà vgnir fóra 'l sò secónd lavōr in studi ch'al pòrta 'l stés nóm. In dal 2020 la tórna in cumpetisiòṅ a Sanrémo purtànd la canta Andromeda scrit par lē da Mahmood.

In dla sò caréra l'à laurâ insém a di artìsta cuma Gué Pequeno, The Kolors, Marracash (ch'l è anc al sò muróś), la Myss Keta e Fabri Fibra.

Discugrafìa

Àlbum in studi

2016 - Un'altra vita
2017 - Tutta colpa mia
2020 - This Is Elodie

Filmugrafìa

2017 - Non c'è campo, regìa ad Federico Moccia

Culegamènt estéran

(IT) Al sò canàł ufisiàł Vevo su 'l sit YouTube