Elesiòṅ in dal quàrt distrét cungresuàł dal Kànsas dal 2017
|
C'l artìcul chè 'l è scrit in
Miranduléś |
Gl’Elesiòṅ in dal quàrt distrét cungresuàł dal Kànsas dal 2017 i gh'èṅ stadi 'l 11 'd Avrìl dal 2017 par numinàr al deputâ ch'al gh'iva da tōr al pòst dal republicàṅ Mike Pompeo numinâ in cal méntar diretōr dla CIA p'r al presidènt Donald Trump.
Gl'abitànt dla sità 'd Wichita e dintóran, in dal stat cunservadōr dal Kànsas, i gh'ìvan dònca da turnàr a sarnìr al sò deputâ sinc méś dòp avér vutâ, al stés dè dl'elesiòṅ ad Trump presidènt, par Pumpeo c'n un vantàś su 'l demucràtic Daniel Giroux ad trénta e pasa punt.
Al partî republicàṅ 'l à candidâ Ron Estes, al partî demucràtic James Thompson e 'l partî libertariàṅ Chris Rockhold.
I riśultâ dal vutasiòṅ i èṅ stâ qvist chè 'd sóta:
| Partî | Candidâ | Vōt | % | Difarénsa rispèt a 'l 8 ad Nuvémbar dal 2016 |
|---|---|---|---|---|
| Republicàṅ | Ron Estes | 63.505 | 52.5% | -8.17% |
| Demucràtic | James Thompson | 55.310 | 45,7% | +16,1% |
| Libertariàṅ | Chris Rockhold | 2.082 | 1,7% | -1,11% |
Śuntànd al deputâ Ron Estes adès i republicàṅ i pōlan turnàr a cuntàr acsè 237 mémb'r a la cambra cónt'r i 193 di demucràtic.