Due volte ieri
|
C'l artìcul chè 'l è scrit in
Miranduléś |
 The Man with Rain in His Shoes
| ||
| Due volte ieri | ||
 La Lena Headey in na figùra dal film | ||
| Dū vòlti ajēr 1998 | ||
|---|---|---|
| Regìa: Maria Ripoll | ||
| Scritōr: Rafa Russo | ||
| Atōr: Penélope Cruz • Douglas Henshall Lena Headey • Mark Strong • Elizabeth McGovern Charlotte Coleman • Neil Stuke • Gustavo Salmerón | ||
| Müsica: Ángel Illarramendi Bernardo Fuster • Luis Mendo | ||
| Léngua: Ingléś • Spagnōl | ||
| Dürä dal film: 91 minüt | ||
| Nasiōṅ: Stat Unî • Spaggna Frància • Régn Unî • Germàgna | ||
Due volte ieri (Dū vòlti ajēr) l'è na cumèdia rumàntica dal 1998 dla spagnōla Maria Ripoll, chè a 'l sò debùt.
Sunt
Victor Bukowski (Douglas Henshall) 'l è 'n atōr rós ad cavìi ch'al fà fadìga a catàr di rōi impurtànt par lò e par campàr 'l è acsè custrét a lauràr in na bibliutéca 'd Lóndra. Anc la sò vita amuróśa la n và minga tant bèṅ parchè 'l è péna stâ dascargâ da la sò muróśa, la Sylvia Weld (Lena Headey), quànd chi lē l'à capî ch'al gh'iva mis i còran. La śōvna, su cunsìli dla sò amìga Alison (Charlotte Coleman), la mòla cal squasa-marléti là par métar-'s insém a Dave Summers (Mark Strong), un dutōr cgnusû in palèstra. Victor al vrév turnàr sèg ma la Sylvia la gh diś ch'l è tròp tard anc parchè al dè dòp la gh'à da spuśàr-as cun Dave.
Dasprâ Victor al và a imbariagàr-'s in dal bar dla Diane (Elizabeth McGovern), pò 'l finìs in un casunét dal rusc in du 'l vîṅ salvâ da dū spasèṅ ch'i gh parmét'n anc ad turnàr indrē in dal tèmp p'r armét'r-as cun la Sylvia, lasànd da na banda i sò tradimènt par rigàr drit. Adès al ròbi i pàr'n andàr p'r al méj par lò ma pò, a na séna, l’Alison la preśénta a la Sylvia 'n óm ch'l à cgnusû in palèstra, Dave, e fra i dū a scròca la mòla dal destîṅ e la dóna la taca na relasiòṅ sèg par pò mulàr Victor.
'L atōr al próa a 'ndàr a sfugàr-as cun la Diane ma a 'l bar al n la cata minga, a 'l sò pòst a gh'è invéci na scritōra spagnōla ciamàda Luisa (Penélope Cruz).