Discussione:Napulèòṅ

...N'gh'è minga n'asèint ed trôp, in cal tìtol chè, che mè a 't 'l arèv escrìt magàra Napuleòṅ... :-° --Glo (discussioni) 20:14, 2 Zógn 2017 (UTC)

[Napulɛ'ɔŋ] cuma la bèstia [lɛ'ɔŋ] (minga [Napule'ɔŋ] dònca). A gh'ò abû 'n prubléma cumpàgn cum [pɛt'ros], a gh'è na vucàl vèrta anc se àtuna, un quèl ch'a n sucéd invéci mai in itagliàṅ. A 'l sò ch'l è brut métar 'n asènt su na vucàl àtuna ma purtròp a gh'ò da réndar ciàr ch'a s trata dna “E” vèrta e minga saràda. Ma i francéś dal vòlti i fàn'n anc pèś miténd-'g-an tri cuma in préféré.--Mirandolese (discussioni) 21:26, 2 Zógn 2017 (UTC)

Capìdi el tó incertèsi e solusiòun finèli, tant ed capêl :-))) --Glo (discussioni) 21:32, 2 Zógn 2017 (UTC)

A part ch'a n sòṅ gnanc sicûr dal tut ch'a s diga [lɛ'ɔŋ] dabòṅ o piutòst [lɛ'ɔ̃] o 'n quèl dal gènar (cla O lè l'è vèrta dimóndi, da piò ch'in francéś). Tant par dir, la fraś miranduléśa “Un bòṅ vèṅ biànc” 'l è praticamènt cumpàgna a 'l francéś a part 'l inìsi (“un” a pâr ch'a sia [uŋ] e minga [œ̃] ma 'l nùmar òṅ al gh s davśìna da piò) e la fiṅ in du lōr i n dìśan mia la [k] che però l'è scrita. A n al sò minga s'in emigliàṅ la N la sia na “N velàra” dabòṅ (ŋ) o piutòst al ségn dna vucàla naśàla diretamènt, in na manéra cumpàgna a 'l francéś ma c'n i làbar mis un pôc difarènt. I lenguìsta dla Nutella, a paśna 54 ad cal manuàł chè, i gh'aṅ mis dal vucàli naśàli in d'l emigliàṅ (cuma in “dabòṅ” o “bèṅ”), però in “tóla su dólsa” i aṅ scrit dal vucàli turbàdi dal mantṿàṅ dgénd ch'l è mudnéś, dònca a n sò mia s'a gh'è da fidàr-as dal tut.--Mirandolese (discussioni) 22:29, 2 Zógn 2017 (UTC)

...Mè a n'sun minga na lingvìsta (che ùn gh'i taja, cl èt'r al gh'i pista...) mo a 'm adàg che anc dàint'r a Chèrp, minga tùti el pronùnsi gl'ìn uguèli, vō-'t per gli etê diferèinti, vō-'t p'r un quèlc iśolamèint, vō-'t per na quèlc eśvinànsa 'd ciacaradōr ed dialèt diferèint... Mè a nn em la turèv mìa trôp calchèda, ch'a fòm óra a imparèr al pakistàṅ prìma 'd avér ciapê 'l mumèint bèle scapê vìa dla véra pronùnsia dal noster dialèt... ;-p --Glo (discussioni) 13:18, 3 Zógn 2017 (UTC)

...Ma pò mè... A n'pôs minga magnèr dla Nutèlla, ch'a gh'ò d'andèr incònt'r ala próva custùm! :-D --Glo (discussioni) 13:35, 3 Zógn 2017 (UTC)

Cònt'la tuta và là, 't à śmis ad magnàr la Nutella da quànt 't à savû ch'i gh métan dèntar 'l Òli 'd palma.--Mirandolese (discussioni) 13:41, 3 Zógn 2017 (UTC)

...Nò, mè a sun patìda di yògurt, mo minga 'd cal crèmi lè, ch'i s'ràn di an che mè a n'la tōg sù col cuciarèin (taśòm però dal briôs ala matèina, tolti a 'l Bar, indû i gh'la mèten dàinter lōr, la Nutèlla, minga mè... --Glo (discussioni) 13:48, 3 Zógn 2017 (UTC)