Crocodile 2
|
C'l artìcul chè 'l è scrit in
Miranduléś |
 Crocodile 2: Death Swamp
| ||
| Crocodile 2 | ||
 Chuck Walczak in na figùra dal film | ||
| Cucudrìl 2 2002 | ||
|---|---|---|
| Regìa: Gary Jones | ||
| Scritōr: Jace Anderson Boaz Davidson • Adam Gierasch | ||
| Atōr: Heidi Lenhart • Jon Sklaroff • James Parks Chuck Walczak • Darryl Theirse • Martin Kove | ||
| Müsica: Bill Wandel | ||
| Léngua: Ingléś | ||
| Dürä dal film: 89 minüt | ||
| Nasiōṅ: Stat Unî | ||
Crocodile 2 (Cucudrìl 2) 'l è 'n film ad scarésa americàṅ dal 2002 ad Gary Jones, séguit lìb'r ad Crocodile ad Tobe Hooper ad dū an prima. In dal cast a gh'è anc dū scampâ dla prima pelìcula.
Cl'òpra chè l'è stada giràda in Ìndia a Hyderabad c'n un budget ad dū migliòṅ e dū ad dòlar.
Sunt
Un grup ad rapinadōr cmandâ p'r un sèrt Max (Darryl Theirse), dòp avēr purtâ via dimóndi bèsi da na banca, al ciàpa 'n vōl par scapàr in dal vilàǵ mesicàṅ ad Santo Cristo. Durànt al viàś, par via dna timpèsta e dòp ch'i delinquènt i aṅ masâ òṅ di pilòta (Eddy Chamichian) faghénd di dan a la consolle ad pilutàǵ, 'l aparéć al vîṅ śò finénd in un padól pîṅ ad cucudrìi magna-carna.
Max al fà parśunēr i pasegēr scampâ a 'l diśàst'r e al i custrìnś a jutàr-'l a purtàr al càr'g ad bèsi lung i sintēr dla furèsta ch'i pòrt'n in sità. N'hostess ciamàda Mia (Heidi Lenhart) la próa a scapàr via dand dla śdòrmia a òṅ di delinquènt ch'al gh'iva 'l còmpit ad tgnir-i 'd òć durànt la nòt, Squid (James Parks), ma a n gh'è gnint da far. Par lē la sōla spransa 'd scampàr a chi rapinadōr lè sasèṅ e a i cucudrìi 'l è ch'al sò muróś Zach (Chuck Walczak), ch'al la spetàva a Acapûlc, al la véggna a pascàr. Chi lò, sinténd a la televiśiòṅ ch'a gh'è stâ 'n incidènt in dal sò vōl, al partìs subìt p'r andàr-la a catàr, faghénd-as cumpagnàr par Roland (Martin Kove), ch'al cgnós bèṅ chi pòst là.