Costantino Della Gherardesca

 Miranduléś

C'l artìcul chè 'l è scrit in Miranduléś

Prim piàṅ ad Costantino

Costantino della Gherardesca (Róma, 29 ad Śnar dal 1977) 'l è 'n cundutōr radiufònic e 'd prugràma par la televiśiòṅ, un giurnalìsta e 'n persunàǵ televiśìṿ itagliàṅ.

'L è fiōl dla Costanza della Gherardesca e dònca la sò rasa la fà part di nòbii dla Tuscàna.

Biugrafìa

Dòp avēr ciapâ na làurea in filuśufìa a 'l King's College London ad Lóndra, al taca a lauràr in televiśiòṅ cun Piero Chiambretti in di sò prugràma Chiambretti c'è e Markette - Tutto fa brodo in TV in du al fava 'l persunàǵ dla Maga Maghella ch'la 'l lśiva i taròc par burla a i òspit figurànd-ag sèmpar di brut quèi. In chi an lè al lavóra anc p'r al giurnàl l'Indipendente dirèt par Giordano Bruno Guerri, p'r al sit Dagospia ad Roberto D'Agostino e par la rivìsta muśicàla Rolling Stone.

Da 'l 2007 a 'l 2008 al diś la sua in di prugràma L'Italia sul 2 e L'isola dei famosi. In dal 2009 al tórna a lauràr cun Chiambretti in Chiambretti Night. In dal 2013 al dvènta 'l cundutōr ad Pechino Express dòp avér partesipâ cuma cuncurènt 'l an prima.