C'l artìcul chè 'l è scrit in Arzân Emiliàn

Artécol in dialèt arzân

Al Turiòun

Al Castèl ed Dinasân (Castello di Dinazzano in italiân) l'é un stâbil per difèişa ed Dinasân, int al cmûn ed Caşalgrând, in pruvîncia ed Rèz.

Stôria

In un documèint dal 968 a rişûlta ch'l'êra spartî tra Fujân, Castlarân e al Cuntêd ed Pèrma. Int al 1180 al castèl ed Dinasân al rişulta ed proprietê per un têrs al Cmûn ed Rèz che acsé al badêva al percōrs dal canêl ed Sècia e al cunfîn cun Mòdna, per un têrs a i Mointamagno, che ind l'istès ân cedû la só pêrta a j arzân perchè al rinfurésen, e per un êter têrs a i sgnōri ed Sasōl. Int al 1275 Bernabò ed Magrèida a l'àn vindû a Manfredo ed Ssōl, mó int al 1318 j arzân a i ân turnê tōr indrē al castèl che, int al 1335 a l'àn dê a i Fogliani. Int al 1409 i Fogliani, aleê cu Ottobono Terzi, în stê batû da Niccolò d' Este, pèr còst în stê custrèt a dêrel via. Préma l'é stê dê in fèdev a i Della Sala, dôp a i Bujêrd. Int al 1443 l'é stê incòra rinfursê.

Spiegasiòun

Al castèl ed Dinasân l'é a i pē ed la culèina arzâna. Dal sō mûri, adès in ruvîna e peirculōşi, as prîva cuntrolêr in pió dal Sècia, ânca tót la pianûra êlta tra Rèz e Mòdna. Incō armâgn in bòun stê sōl al turâs, ch' gh' la merladûra e l'albêrsa.

Vōş coleghêdi

Elèinch di léber

  • Maria Bertolani Del Rio, I Castelli Reggiani, Reggio Emilia, 1965


Nôta: cla pâgina ché l'é stêda fâta cun la tradusiòun ed Maggio trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.