C'l artìcul chè 'l è scrit in Miranduléś Emiliàn

Cannibal Ferox

La Lorraine De Selle in na figùra dal film
Canìbai inumàṅ
1981
Regìa: Umberto Lenzi
Scritōr: Umberto Lenzi
Atōr: Giovanni Lombardo RadiceRobert Kerman
Venantino VenantiniDanilo MatteiJohn Bartha
Lorraine De SelleWalter LucchiniZora Kerova
Müsica: Roberto Donati • Fiamma Maglione
Léngua: ItagliàṅSpagnōl
Dürä dal film: 93 minüt
Nasiōṅ: Itàglia


«
Cinsurâ in trént'òṅ paéś dal mónd.»
(Tagline dal film)


Cannibal Ferox (Canìbai inumàṅ) 'l è 'n film ad scarésa dal gènar di canìbai dal 1981 'd Umberto Lenzi ch'al 'l à anc scrit.

Sunt

Mike Logan (Giovanni Lombardo Radice) 'l è spaciadōr 'd dròga 'd New York. Dòp èsar-'s mis in di guàj fargànd dimóndi bèsi a 'n grup ad delinquènt ad Brooklyn, al decìd ad partìr par l'Amaśògna par pascàr di śmeràld c'n un sò culaburadōr ciamâ Joe (Walter Lucchini) e psēr acsè pagàr al dèbit. Par dimustràr ch'al canibalìśum al n è mai eśistî, ma 'l è stâ sōl na bala cuntàda da i cunquistadōr par giustificàr i masèi ch'i ìvan fat soquànt sécui prima, a riva in Braśìl anc na studènta ch'l'è drē a laureàr-'s in antrupulugìa, la Gloria Davis (Lorraine De Selle), insém a sò fradèl Rudy (Danilo Mattei) e a la sò amìga Pat Johnson (Zora Kerowa).

I sinc americàṅ i s càtan pò in dla furèsta ch'i s èṅ spardû. Mike al gh'à da far frònt a 'n grup ad salvàdag dal pòst dimóndi rabî sèg parchè 'l iva mutilâ na guìda dal vilàǵ ch'al n éra minga stâ bòṅ ad catàr al prédi presióśi. I salvàdag, ch'i èṅ anc di canìbai magna-carna, i gh la càv'n a ciapàr i turìsta e a purtàr-i sèg.

Culegamènt estéran