Artìcol in dialètt pramsân

 

Corzoól

Un córzoól'd la sòrta Convolvolus arvensis

Clasificasión siéntifica
Dominì Eukaryota
Rèign Plantae
Sotà-rèign Tracheobionta
Supar-división Spermatophyta
División Magnoliophyta
Clâsa Magnoliopsida
Órdin Solanales
Famija Convolvulaceae
Genór Convolvulus
Sòrta C. arvensis
Nomenclatura binomieèla
Convolvolus arvensis L., 1753


I córzoj (Sing. córzoól) i én d'èrbi dal gènòr Convolvulus(L., 1753), un gènór con doseént-sinquanta sòrti'd pianti chi fan pärta'd la famija dil Convolvulaceae. Con la paróla córzoól in gènór a s'inténda la sòrta Convolvulus arvensis ch'in Itâlija l'é difusa dapartùt, tant in t'la piana cme in t'il montagni.

Descrisión modifica

Al córzoól l'é una piânta rampicanta c'la pol gnir longa anca pù'd du metòr. La fa di risòma bón d'arbuteèr tant c'me col ed la gramìgna e di fioór bianc chi polén tendór al rosiólén.

Al Convolvulus arvensis al fiorisà da Avrîl a Òtòbar e l'é considerè un'infestânta in t'il colturi ed fórmént e'd mélgón.

 
Di córzój rampè su par dil gambi'd fórmént


Variétè modifica

Convolvulus arvensis var. arvensis col foij lärghi e Convolvulus arvensis var. linearifolius col foij pù strichì.