Còrp di Cattloo

C'l artìcul chè 'l è scrit in Miranduléś

Al Còrp di Cattloo 'l è 'n grup armâ 'd suldâ ninja dal pòpul ad Mikenes a 'l servìsi dla Marchéśa Yanus.

I èṅ di persunàǵ ch'i fànan part d'l anime Gran Mazinga, creâ p'r al senegiadōr Gō Nagai, e i cumpàran par la prima vòlta in d'l epiśòdi nùmar 35 da 'l tìtul “Cattloo Corp” traśmìs in Giapòṅ al 4 ad Maǵ dal 1975.

Chi cumbatènt chè, cun la ghigna 'd gat, i èṅ bòṅ ad dar la scòsa s'i t ciàpan cun la sò cóa e pò i aṅ di mìsii piculèṅ su i sò bras ch'i pōlan tiràr adòs a i nemìg durànt i cumbatimènt.

I Cattloo i gh'aṅ di cavìi lung ad culōr aràns e 'n custùm blù e róśa cun di guànt a 'l maṅ.