Blanco (cantànt)
|
C'l artìcul chè 'l è scrit in
Miranduléś |
«
Dai, non scappare da qui, non lasciarmi così nudo con i brividi, a volte non so esprimermi e ti vorrei amare ma sbaglio sempre, e ti vorrei rubare un cielo di perle e pagherei per andar via, accetterei anche una bugia e ti vorrei amare ma sbaglio sempre e mi vengono i brividi, brividi, brividi.»
(IT)(Brividi, 2022)
«
Vê, minga scapàr via da 'd chè, minga lasàr-um nûd acsè c'n i śgriśōr adòs, dal vòlti a n sò minga esprìm'r-um e a vrév amàr-at ma a śbali sèmpar, e a vrév fargàr un cēl ad pèrli par tè e a pagarév p'r andàr via, a m andrév bèṅ anc na bala e a vrév amàr-at ma a śbali sèmpar e a gh'ò i śgriśōr, śgriśōr, śgriśōr.»
(MUD)
Riccardo Fabbriconi, cgnusû méj c'n al nóm 'd art ad Blanco (Calvagéś dla Rivéra, 10 ad Favràr dal 2003) 'l è 'n cantànt e scritōr ad mùśica itagliàṅ, vinsidōr dal Fèstival ad Sanrémo dal 2022 c'n al braṅ Brividi, cantâ in còpia cun Mahmood.
Prima 'd tacàr na caréra da cantànt, da śōvan 'l à śugâ a fólbar in dla squàdra dla Feralpi Salò.
Al s è fat cgnós'r in dal 2021 c'n i sucès La canzone nostra e Mi fai impazzire, braṅ ch'i gh l'aṅ cavàda a rivàr in di prim pòst dla clasìfica di sìngui in Itàglia. In séguit 'l à publicâ 'l sò prim àlbum da 'l tìtul Blu celeste ch'l à purtâ a cà tri disc ad plàtin, c'n i sìngui Notti in bianco, Paraocchi e Blu celeste.
Discugrafìa
Àlbum
- 2021 – Blu celeste