C'l artìcul chè 'l è scrit in Miranduléś Emiliàn

Un putucèṅ vudù insfilsâ par bèṅ


La bàmbula vudù 'l è 'n putòć ad pèsa ch'in dal tradisiòṅ ad soquànt paéś, ma più da spés in dla fantaśìa di film, di fumét e di rumànś, 'l è druâ par far dal mâł a dal parsòni insfilsànd di gucîn in dal còrp dla bàmbula par dar inìsi a na striarìa maladìda 'd magìa négra cuma s'al dulōr al pasìs diretamènt in qvél dal cristiàṅ barsàj. Par far più efèt a gh sarév da śuntàr di cavìi o di pēi dla parsòni udiàda mént'r a s gh àvgura di càncar.

La bàmbula la pōl anc èsar druàda par tgnir sóta cuntròl la vitma o par custrìnśar-la a vlēr bèṅ a qualchidòṅ.

Na bàmbula vudù

Sibèṅ al nóm al faga riferimènt a 'l vudù, cla tradisiòṅ chè la n gh èntra gnint c'n i rît e la religiòṅ vudù 'd Haiti o dla Luiśiàna, rivàda diretamènt da i sér'v africàṅ soquànt sécui fà, ch'la prevéd piutòst ad far di sacrifìsi 'd bèsti cuma pui, ninét e tôr e pò di balét.

Àtar prugèt

Culegamènt estéran