Anna Oxa

C'l artìcul chè 'l è scrit in Miranduléś

«

Una giacca doppiopetto per avere un cuore in più, tanti nodi al fazzoletto per non passarci su, piedi grandi per sentire che la terra è sempre là e il cappello ad impedire che gli sfugga la realtà. Questo è il mio pagliaccio azzurro, da bambina in poi l'amo eppure non gli ho chiesto mai chi sarai.»

(IT)(Il pagliaccio azzurro, 1979)

«

Un giachét dòpipèt p'r avér un cōr da piò, un muć ad gróp a 'l fasulét p'r a n pasàr-ag minga sù, pē grand par sintìr che la tèra l'è sèmpar là e 'l capèl p'r impedìr che la véra la gh scapa via. Qvést chè 'l è 'l mè pajàs celèst, da quànd a séra putìna a gh vój bèṅ ma a n gh'ò dmandâ mai chi sarà't?»

(MUD)

L’Anna Hoxha, cgnusùda méj c'n al nóm 'd art 'd Anna Oxa (Bari, 28 'd Avrìl dal 1961), l'è na cantànta e 'n persunàǵ televiśìṿ itagliàṅ, fiōla 'd 'n albanéś vgnû a star in Itàglia. In dal 1979 l'à recitâ da prutagunìsta in dal film Maschio, femmina, fiore, frutto.

In dla sò caréra l'à fat vgnir fóra vint-a-tri disc, daśdòt in studi, dū da 'l viṿ e tri racòlti. Al sò prim trénta-tri gir 'l è stâ Oxanna dal 1978 c'n al sìngul Un'emozione da poco scrit par lē da Ivano Fossati p'r èsar preśentâ a 'l Fèstival ad Sanrémo, manifestasiòṅ che lē l'à pò vins par dū vòlti, in dal 1989 cun Ti lascerò (cantàda insém a Fausto Leali) e in dal 1999 cun Senza Pietà. Fra i sò pès più cgnusû a 'rcurdém anc Il pagliaccio azzurro, Fammi ridere un po’, È tutto un attimo, Donna con te, Quando nasce un amore, Senza di me, Storie e Tutti i brividi del mondo.

In dal 1988 e in dal 1989 l'à preśentâ cun sucès al prugràma dal sàbat sira 'd Raiuno Fantastico, prima cun Enrico Montesano e pò cun Massimo Ranieri. Sèmp'r in televiśiòṅ l'à cundót al Fèstival ad Sanrémo dal 1994 insém a Pippo Baudo e l'à tòlt part a Torno sabato ad Giorgio Panariello in dal 2001. Dòp n'esperiénsa cuma cuncurènta a Ballando con le stelle (2013), in dal 2016 la fà la giùdas a Amici di Maria De Filippi.

Discugrafìa

Àlbum

1978 - Oxanna
1979 - Anna Oxa
1983 - Per sognare, per cantare, per ballare
1984 - La mia corsa
1985 - Oxa
1986 - È tutto un attimo
1988 - Pensami per te
1989 - Tutti i brividi del mondo
1992 - Di questa vita
1993 - Do di petto (àlbum 'd arfacimènt)
1993 - Cantautori (àlbum ad cover)
1994 - Cantautori 2 (àlbum ad cover)
1996 - Anna non si lascia
1999 - Senza pietà
2001 - L'eterno movimento
2003 - Ho un sogno
2010 - Proxima

Filmugrafìa

1979 - Maschio, femmina, fiore, frutto, regìa ad Ruggero Miti

Culegamènt estéran

(IT) Al sò sit ufisiàł

Nòti

Wikiquote contiene citazioni di o su Anna Oxa
Wikimedia Commons contiene file multimediali su Anna Oxa