Angeli ribelli
|
C'l artìcul chè 'l è scrit in
Miranduléś |
 Song for a Raggy Boy
| ||
| Angeli ribelli | ||
 Aidan Quinn in na figùra dal film | ||
| Àngil arvèrs 2003 | ||
|---|---|---|
| Regìa: Aisling Walsh | ||
| Scritōr: Aisling Walsh Kevin Byron Murphy • Patrick Galvin | ||
| Atōr: Aidan Quinn • Iain Glen • Marc Warren Dudley Sutton • Alan Devlin • Stuart Graham | ||
| Müsica: Richard Blackford | ||
| Léngua: Ingléś | ||
| Dürä dal film: 94 minüt | ||
| Nasiōṅ: Irlànda • Régn Unî Danimàrca • Spaggna | ||
Angeli ribelli (Àngil arvèrs) 'l è 'n film dramàtic dal 2003 dl'Aisling Walsh ch'al tōś ispirasiòṅ da 'l rumànś, in part autobiugràfic, “Balàda p'r un śōvan strasòṅ” (Song for a Raggy Boy) ad Patrick Galvin ch'al cònta di fat sucès dabòṅ.
Sunt
William Franklin (Aidan Quinn), dòp avér cumbatû e pardû sò mujér in dla guèra sivìl spagnōla da la banda dal brigàdi iternasiunàli, al tórna in Irlànda p'r insgnàr létri in dal rifurmatóri par baghēt St.Jude. Chè al gh'à da far i cònt cun la cativèria 'd Pàdar John (Iain Glen) ch'l inségna a star a 'l mónd a i ragàs druànd na sìngia cun dal munédi dèntar quànd i n fànan minga a mōd cuma brasàr un sò fradèl o davśinàr-'s a 'n mur. Durànt la giurnàda i gh'aṅ da rigàr drit faghénd dal cróś, di ruśàri, di preśèpi e pargànd sèmp'r al nòstar Sgnōr.
William al dvènta amìg ad Liam Mercier 636 (John Travers), ch'a gh piàś dimóndi lèśar, e 'd Patrick Delaney 743 (Chris Newman) che però al finìs in dal maṅ 'd un prēt pedòfil, Pàdar Mac (Marc Warren), ch'l al ciùla in dal cèso. Al ragasōl al próa a cuntàr incòsa durànt la cunfesiòṅ ma Pàdar John al gh diś ad taśēr.
Un dè Liam al s arvòlta cóntar Pàdar John, ch'l éra drē a dar dal scuriàdi a dū baghét, e 'l religióś 'l al masa 'd bòti.