Aliansa Lebra Emijana
(Reindirizzamento da Aliânza Lébbra Emiglièna)
| St’artéchel ché ’l é stê scret int la koinè Emijana. | 
|
L’Aliansa Lebra Emijana (Libertà Emiliana-Nazione Emilia in tuscan) ’l é stê un partî pulétich emijan ed carâter nasiunalesta, ch'l à fat pêrt dl’Aliansa Lebra Evrupeja cm al frot dla fuxioun ed Libertà Emiliana e Nazione Emilia dal ân 1999.
Stôria
modificaNazione Emilia l’é nasû dal 1994 quand di meinber dla Liga Nord i an dsix ed lasêr al partî e creêr·j·n ’n êter a Buloagna ch'al difandes l'avtoguêren dl'Emeja, tse cum la sau cultura e la sau laingua. Al partî al’s à prexantê a socuant elesioun luchèj, e ’l à tuchê al 30% int ej elesioun pulétich a Tuan dal '99. Ascuêx cunpagn a ste partî ché a j·é al lighê Partî Avtunumesta Rumagnaul, ch'al difènd i interês luchèj dl’êtra pêrt dla regioun, la Rumagna.
Ubietif
modificaI ubietif i’s paulen suntêr in 12 pont, ch'i en:
- avtoguêren par l’Emeja, cun la pusibilitê’d avtodeterminêr·es;
- prutesioun dla cultura e di dialet dla laingua emijana;
- miuramaint dal mudêl sôsi-ecunômich pr al dxvilop dl’Emeja;
- creasioun d on sistèma sanitêri a livêl emijan;
- privatizasioun dej inpraix póblich ch’ej scantârlen, cun di ufêrt póblich par maud che i sitadein i pôsn avair na pêrt int al sistèma;
- urganizasioun dla sulidaritê a livêl emijan;
- urganizasioun dal marchê dal lavurir scound al mudêl nerlandaix;
- arfourma del faurs dl ourden;
- argulasioun dl’imigrasioun e integrasioun di imigrê in Emeja;
- utgnimaint ed pió libertê individuèj in quant a l’evtanaxie, matrimôni str’ed parsoun ed zèner cunpagn, ecs;
- dmej prutesioun dl anbiaint e dej arsours naturèj;
- creasioun ed n’Evrôpa di Pôpul.