Adam & Evil
|
C'l artìcul chè 'l è scrit in
Miranduléś |
 Adam & Evil
| ||
 Jodie Graham e la Warnyca in na figùra dal film | ||
| Adam e 'l Mâł 2004 | ||
|---|---|---|
| Regìa: Andrew Van Slee | ||
| Scritōr: Andrew Van Slee | ||
| Atōr: Sean Arnfinson • Barbara Kottmeier Lynsey Brothers • Erica Cerra • James Clayton Brody Harms • Jeffrey Fisher • Allison Warnyca Jodie Graham • Terran Orletsky • Kevin Robson | ||
| Müsica: Craig Marks | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
Adam & Evil (Adam e 'l Mâł) 'l è 'n film ad scarésa americàṅ dal 2004 scrit, prudót e dirèt p'r Andrew Van Slee.
Sunt
Finìda la scóla, par festegiàr al diplòma, un grup ad studènt americàṅ al decìd ad partìr par na vacànsa in campéǵ e psēr acsè far i purcùs in santa paś. Dal grup i fànan part Adam (Sean Arnfinson), la sò muróśa Yvette (Lynsey Brothers), al sò amìg Matt (Brody Harms) cun la sò ragàsa Evelyn (Barbara Kottmeier), la còpia furmàda par Rob (Terran Orletsky) e la Rachel (Tiffany Paterson) e 'l vìrgin Seth (Kevin Robson) ch'al s è purtâ adrē dal viagra par gusàr la puta dla cumpagnìa, l’Yvonne (Erica Cerra), che però piutòst la preferìs far da par lē. In furgunsèṅ a gh tîṅ adrē Shane (James Clayton), un brut grintèṅ ch'al gh l'à a mòrt sèg parchè i aṅ cunvìns la sò èx muróśa, l’Yvonne, a mulàr-al.
Lung la strada al grup al s pèrd e dònca al s férma in dla lucànda 'd Billy (Richard Patterson) p'r avēr dal driti giùsti. Lè i cgnós'n al sierìf Earl (Jodie Graham) e cla vacàsa 'd sò mujēr, la Maureen (Allison Warnyca), ch'la salta adòs a Seth in dal cèso di masć par far sès sèg ma lò al s tira indrē.
Rivâ a Lake Nede, i śōv'n i piànt'n al téndi, tgnû 'd òć da 'l custôd dal sit, Clint (Jeffrey Fisher), ch'al gh'à sèmp'r un stecadènt in bóca. Ad nòt a riva lè la Maureen ch'la fà sès cun Seth prima che 'n sasèṅ 'l al masìs c'n un para 'd furbśòṅ. Quànd in séguit i vìnan catâ anc i còrp 'd Rob e dla Rachel, al grup al capìs ch'in dal bòsc a gh'è 'n manìag ch'al gh l'à sèg. Esénd che davśèṅ a i cadàv'r a gh'è sèmp'r un fōg artifisiàł par tèra, Adam al taca a pinsàr ch'i masamènt i sìan ligâ in na quàlc manéra a 'n epiśòdi ch'a gh'éra sucés quàt'r an prima quand durànt la nòt 'd Halloween, par schèrs, 'l iva butâ insém a Matt un petàrd in dla cà dal famìja Kio. 'L edifìsi 'l éra bruśâ e 'l padròṅ 'd cà Rien (Dave Barton), insém a sò mujēr (Sandra Steier) e a la sò putìna (Vanessa Van Slee), i éran mòrt in dal fōg sénsa che lò al psis far gnint.