C'l artìcul chè 'l è scrit in Miranduléś Emiliàn

Ramsey tòlt śò in dal 2019


Aaron James Ramsey, (Caerphilly, 26 ad Dicémbar dal 1990, a s lèś /ˈræmzi/ in Ingléś) 'l è 'n śugadōr ad fólbar dla nasiunàla galéśa e dla Juventus. 'L è élt 182 cm, al péśa 72 chilo e 'l sò rōl 'l è qvél ad mediàṅ.

Al taca a śugàr a balòṅ in dal 1999 in dla squàdra di pulśèṅ dal Cardiff City. Al gh armàgn p'r òt an pò in dal 2008 al pasa a 'l Arsenal. In dal 2010 e a 'l inìsi dal 2011 al próa a mét'r-as a la próa in dal Nottingham Forest e in dal Cardiff City ma a gh và mâł. Al tórna acsè a 'l Arsenal e c'n i lundinéś al tórna a śugàr fis.

In dla sò caréra 'l à vins dū FA Cup e dū Community Shield, sèmpar cun 'l Arsenal.

Al n séggna minga tant gòi ma fórsi 'l è anc méj acsè parchè 'l è pèś dla maledisiòṅ ad The Ring: quànd lò al fà gòl, un famóś al mōr al dè dòp. 'L è bèla sucès cun Osama Bin Laden, Steve Jobs, Gheddafi, la Whitney Houston, Jorge Videla, Paul Walker, Robin Williams, Richard Attenborough, David Bowie e Alan Rickman [1].

Nòti