The Fog
|
C'l artìcul chè 'l è scrit in
Miranduléś |
 The Fog
| ||
 Na figùra dal film | ||
| La fumàna 1980 | ||
|---|---|---|
| Regìa: John Carpenter | ||
| Scritōr: Edgar Allan Poe John Carpenter • Debra Hill | ||
| Atōr: Adrienne Barbeau • Jamie Lee Curtis Janet Leigh • John Houseman • Tom Atkins Nancy Kyes • Hal Holbrook • Charles Cyphers Charles Cyphers • Ty Mitchell • John F. Goff | ||
| Müsica: John Carpenter | ||
| Léngua: Ingléś | ||
| Dürä dal film: 93 minüt | ||
| Nasiōṅ: Stat Unî | ||
The Fog (La fumàna) 'l è 'n film ad scarésa dal 1980 ad John Carpenter, scrit da lò insém a la Debra Hill, ch'la gh'iva anc mis i bèsi, parténd da 'n sugèt 'd Edgar Allan Poe. Girâ tut cun pôc bèsi (un migliòṅ ad dòlar, un quèl acsè) al 'n à ciapâ invéci dimóndi, da piò ad vint-i-òṅ migliòṅ ad dòlar. La Jamie Lee Curtis la tórna a lauràr insém a 'l regìsta newyurkéś dòp Halloween, la notte delle streghe e chè la cata anc sò màdar, la Janet Leigh scurtlàda sóta la dócia in Psyco.
Sunt
La sità ad Sant Antóni Bay in Califòrgna l'è drē a festegiàr i sò sènt an quànd i tàc'n a sucédar di fat da armàgn'r-ag cuma la mòrt ad tut i pescadōr dna barca ch'l'éra lè lè par turnàr a 'l pòrt pròpria quànd l'éra vgnuda śò la fumàna. Al minìstar dal pòst, Pàdar Malone (Hal Holbrook), al cata 'n diàri in dua sò nunòṅ 'l iva tgnû lugâ 'n fat segrét: i siē fundadōr ad Sant Antóni (lò par prim) i ìvan fat andàr a fónd ad prupòśit, puntànd-ag còntar al luś dla luméra dal pòrt, na barca ch'l'éra drē a rivàr da lōr, cun insìma un grup ad lebróś. Cun 'l òr catâ sù in dal śdòṅ, chi siē lè i gh'aṅ abû pò i bèsi par tiràr sù la céśa dal paéś.
Adès, par purtàr a cumpimènt la sò vindéta, chi mòrt là, pîṅ 'd arlìa in di cunfrònt di abitànt dla sità, i tórn'n in cal mónd chè lugâ in dla fumàna par cupàr-an siē.