C'l artìcul chè 'l è scrit in Miranduléś Emiliàn

Al cantànt di Simply Red Mick Hucknall


«
You'll never know how much you hurt me, stay a minute, can't you see that I wanna fall from the stars straight into your arms? I, I feel you, I hope you comprehend. Too many hearts are broken, a lover's promise never came with a maybe.»
(EN)(Stars, 1991)
«
Ta n saprà mai quànt mâl at m à fat, férm-at 'n àtim, a n pō't minga védar ch'a vrév cascàr śò da 'l stéli drit in di tò bras? Mè, a t sènt, a spēr ch'at capìsa. Tròp cōr i èṅ scavśâ, na prumésa 'd amōr la n taca mai cun 'n a s pōl dâr.»
(MUD)


I Simply Red (Simplicemènt Rós) 'l è un grup muśicàl ingléś pop-soul nâ in di prim an Utànta par vulér da 'l cantànt Mick Hucknall e da di dū di cumpunènt dal grup Durutti Column: Anthony Bowers e Chris Joyce. In vint-sinc ad caréra i aṅ vindû sinquànta-sinc migliòṅ ad disc a 'l incìrca.

Al nóm dla banda la tōś ispirasiòṅ da i cavî rós ad Mick ch'al dascór dimóndi bèṅ in Itagliàn avénd tòlt cà in Sicìglia in dua al sòna sù l'ua par tiràr-ag fóra dal vèṅ rós (Etna DOC) e biànc, cun al nóm 'd Il Cantante.

Biugrafìa

I Simply Red i tàcan a far di disc cun un look da strasàr in dal 1985 (cun Picture Book) quànd la Elektra la i mét sóta cuntràt. Dòp Men and Women dal 1987, al grup al riva a 'l sucès cun A New Flame cun dèntar dū di sò sìngui più cgnusû: If You Don't Know Me By Now (cover 'd Harold Melvin bòna ad rivàr a 'l prim pòsta dla Billboard americàna) e It's Only Love.

In séguit, tacànd cun al disc dal 1991 Stars, al prugèt al dvénta praticamènt un lavōr da par lò 'd Hucknall. Cun Life dal 1995 al grup al riva a 'l prim pòst dal clasìfichi dal Régn Unî anc par mèrit ad pès quài Fairground, Never Never Love, Remembering the First Time e We're in This Together, inn di europèo ad balòṅ dal 1996. Al disc 'l è anc quél di suo ch'l à vindû da piò ad tut.

Dòp àtar sinc àlbum e 25 an ad caréra, in dal 2009 al grup al dà inìsi a 'l tour finàl par dar 'l arvéd'r-as a i sò sustenidōr. 'L ùltim cuncèrt di Simply Red al gh'è stâ a la O2 Arena ad Lóndra al 19 ad Dicémbar dal 2010.

Mémbar

Mick Hucknall tòlt śò da 'l viṿ durànt un cuncèrt dal 2003 a Bréma

Line-up di inìsi

  • Mick Hucknall vóś
  • David Fryman chitàra
  • Tony Bowers bas
  • Fritz McIntyre tastéri
  • Chris Joyce baterìa

Àtar cumpunènt

  • Tim Kellett fiâ
  • Sylvan Richardson chitàra

Discugrafìa

Àlbum

  • 1985 - Picture Book
  • 1987 - Men and Women
  • 1989 - A New Flame
  • 1991 - Stars
  • 1995 - Life
  • 1998 - Blue
  • 1999 - Love and the Russian Winter
  • 2003 - Home
  • 2005 - Simplified
  • 2007 - Stay

da 'l Viṿ

  • 2000 - In concert-Good Radiocut
  • 2005 - Cuba
  • 2011 - Simply Red Farewell - Live in Concert at Sydney Opera House

Racòlti

  • 1996 - Greatest Hits
  • 2000 - It's Only Love
  • 2008 - 25: The Greatest Hits
  • 2010 - Songs of love

Culegamènt estéran