Sex is Comedy
|
C'l artìcul chè 'l è scrit in
Miranduléś |
 Sex Is Comedy
| ||
 Colin, la Mesquida e la Parillaud in na figùra dal film | ||
| Al sès l'è na cumèdia 2002 | ||
|---|---|---|
| Regìa: Catherine Breillat | ||
| Scritōr: Catherine Breillat | ||
| Atōr: Anne Parillaud • Grégoire Colin • Yves Osmu Roxane Mesquida • Ashley Wanniger • Diane Scapa Dominique Colladant • Bart Binnema • Ana Lorena | ||
| Müsica: Pascale Chavance • Pedro Marques | ||
| Léngua: Francéś • Purtughéś | ||
| Dürä dal film: 94 minüt | ||
| Nasiōṅ: Frància • Purtugàl | ||
Sex Is Comedy (Al sès l'è na cumèdia) 'l è na cumèdia francéśa e purtughéśa dal 2002 dirèta par la Catherine Breillat.
Al film al fà riferimènt a n'atra pelìcula dla regìsta francéśa, A mia sorella! (A mè surèla!) dal 2001, in dua la gh'iva da giràr na séna dn'inculàda fata da Libero De Rienzo a la Roxane Mesquida che chè la fà la stésa part.
Sunt
La Jeanne (Anne Parillaud) l'è na regìsta ch'l'è drē a giràr un film eròtic ciamâ Scènes intimes in dua i dū atōr, al masć (Grégoire Colin) e la fémna (Roxane Mesquida), i gh'aṅ da far n'inculàda.
Ma a gh'è di prubléma parchè chi lōr i n vaṅ minga 'd acòrd. La fémna pò la n vōl minga giràr dal séni cavàda śò dal tut e lò al n vōl briśa far-as védar cun al cas dûr. La regìsta, jutàda da Léo (Ashley Wanniger), alóra la gh fà métar un pigugnìṅ ad plàstica.
La Jeanne l'inséggna a la śóvn'atōra cuma la gh'à da far e finalmènt la pōl tiràr śò la séna ch'la vliva, cun lē ch'la piànś méntar lò al gh al mét déntar. A n s capìs minga se dabòṅ o par finta ma a la fiṅ la regìsta la gh fà i cumplimènt dgénd ch'l'è stada dimóndi brava.