Point Break - Punto di rottura

C'l artìcul chè 'l è scrit in Miranduléś Emiliàn

Point Break
Point Break - Punto di rottura

Keanu Reeves e Swayze in na figùra dal film
Punt ad śbrag
1991
Regìa: Kathryn Bigelow
Scritōr: Rick King • W. Peter Iliff
Atōr: Keanu ReevesPatrick SwayzeLori Petty
John C. McGinleyGary BuseyJames Le Gros
Anthony KiedisJohn PhilbinDaniel Beer
Müsica: Mark Isham
Léngua: Ingléś
Dürä dal film: 118 minüt
Nasiōṅ: Stat Unî


«
Vint-sèt banchi in tri an - incòśa par ciapàr 'l ónda parfèta!»
(Tagline dal film)


Point Break - Punto di rottura (Punt ad śbrag) 'l è 'n film 'd asiòṅ dal 1991 dla Kathryn Bigelow prudót par James Cameron. In dla part ad Tone a rècita 'l cantànt di Red Hot Chili Peppers, Anthony Kiedis.

Al film 'l è custâ vint-quàtar migliòṅ ad dòlar ma al 'n à fat sù da piò 'd utànta-tri.

Sunt

Na banda ad quàtar rapinadōr da tri an la fà di cólp in dal banchi ad Los Angeles e i al faṅ miténd-'s adòs al mascri ad quàtar vèć presidènt americàṅ, Ronald Reagan, Lyndon B. Johnson, Richard Nixon e Jimmy Carter. L'FBI la gh'è adòs ma la n è minga bòna ad capìr chi sìan dabòṅ.

'L ambisióś agìnt Johnny Utah (Keanu Reeves), péna diplumâ c'n i vōt più élt, insém a 'l ex veteràṅ dal Vietnam Angelo Pappas (Gary Busey) i gh'ànan da ciapàr-i. Angelo, faghénd far di anàliśi a dla tèra e dla sàbia che lōr i aṅ stramnâ sénsa vlér durànt i cólp, al créd ch'i sìan di surfìsta ch'i śgrànfgn'n i bèsi 'd Istâ par pagàr-as di viàś in tut al mónd 'd Invèran par tgnir a drē a 'l spòrt ch'a gh piàś tant. Johnny 'l è 'd acòrd sèg e al decìd ad misćiàr-'s a qvéi ch'i faṅ al surf da 'l sò bandi.

Al pulisiòt al cgnós acsè Bodhisattva, dit Bodhi (Patrick Swayze), òṅ di più braṿ. La sò ex muróśa, la Tyler (Lori Petty), la 'l ciàma "pascadōr" parchè 'l è sèmp'r a drē a pascàr l'ónda parfèta.

Culegamènt estéran