Alessandra Macinghi Strozzi

C'l artìcol chè 'l è scrit in Carpśàn

La sgnóra Alessandra Macinghi Strozzi (Firèins, 1407 - lè, 1471) l'éra andèda spóśa apèina ai só quatòrd'ś an a 'l fiurintèin Matteo Strozzi e da lò l'ìva avû nōv fiō. Só marì però al gnìva eśiliê vìa dala sitê in dal 1434 dai Medici e acsè al murìva ed pésta a Péśaro cun trī di só fiō: chièter tri fiō masć, turnê a Firèins cun la mèder, i gh'aràn da 'ndèr vìa dala sitê anca lōr mèinter ch'i dvintèven grand. Un ed chi fiōl chè al murà a Napol in dal 1459, mèinter che chièter dū i turnaràn indrē a Firèins na volta pasèda la buféra. La mama Alesàndra la scrivìva dimòndi lettri ai só fiō mèinter che chilōr i eren vìa e difât a gh'n è armêś infìn ai nòster dè in dal nùmer ed 73, datèdi da 'l 1447 a 'l 1470, masimamèint invièdi a 'l fiōl più grand Filìp là a Nàpol.

Al studiōś Cesare Guasti (1822-1889), in dla só publicasiòun dal 1877 ed Lettere di una gentildonna fiorentina del secolo xv ai figliuoli esuli al s à fât ecgnùser cal mònd lè 'd afêt e 'd ragiunamèint famigliêr dal Quatersèint.

«

A Filippo degli Strozzi, in Napoli. Al nome di Dio. A dì 24 d'agosto 1447. Carissimo figliuolo. A dì passati ebbi una tua de' 16 di luglio, alla quale farò per questa risposta. E 'n prima t'avviso come, per grazia di Dio, abbiàno allogata la nostra Caterina al figliuolo di Parente di Pier Parenti, ch'è giovane da bene e vertudioso, ed è solo, e ricco, e d'età d'anni venticinque, e fa bottega d'arte di seta; e hanno un poco di stato, ch'è poco tempo che 'l padre fu di Collegio. E sì gli do di dota fiorini mille; cioè, fiorini cinquecento ch'ell'ha avere di maggio nel 1448 dal Monte; e gli altri cinquecento gli ho a dare, tra danari e donora, quando ne va a marito; che credo sarà di novembre, se a Dio piacerà...»

(IT)(Lettra dl'Alesàndra a 'l fiōl Filìp, 1447)

«

A Filìp dla famìja di Strôs, in Nàpol. In dal nòm ed Noster S'gnōr. In dal 24 'd agòst dal 1447. Al mé fiōl carìs'm. In chi dè chè a ìva avû na tó lettra dal 16 ed lùj, a la quèla a 't vègn a rspònder. Prima 'd tùt a 't infórèm 'd cùma, se Dio 'l vōl, a-j-òm acaśê la nostra Cat'rèina a 'l fiōl ed Parèint ed Pier Parèint, ch'l è un brêv śōven e pin ed virtù, 'l è da per lò, 'l è pin ed bési, al gh'à vèint-sìnc an e al lavóra la séda; i an tòlt na puśisiòun ch'a nn'è mìa dimòndi, perché 'l pèder 'l è stê in dal Coléǵ incòri da pòc tèimp. Acsè a gh'dag mìl fiurèin ed dòta; a dìr chi sincsèint che lē la gh'à d'aver da 'l Mòunt in dal màǵ 1448; e chièter sincsèint ch'a gh'darò, tra bési e dunòra, quand l'andrà a marì, ch'a duvrèv èser in novèmber, se Dio 'l vrà...»

(CARPŚ)

Na vdùda 'd Firèins cum l'éra in dal 1490.

Bibliugrafìa

ed Cesare Guasti (1822-1889):
- Lettere di una gentildonna fiorentina del secolo xv ai figliuoli esuli (Firenze: G. C. Sansoni, 1877) Macinghi Strozzi, Alessandra, 1407-1471;
- Lettere di una gentildonna fiorentina del secolo xv ai figliuoli esuli. Una lettera della Alessandra Macinghi negli Strozzi in aggiunta alle Lxxii (Firenze: Licosa Reprints, 1972, 1877, 1890).

Colegamèint estèren

(IT) La só schéda in dla treccani in dla réda.