C'l artìcul chè 'l è scrit in Miranduléś Emiliàn

9½ Weeks
9 settimane e ½

Na śbrudlóna Kim Basinger in na figùra dal film
Nóṿ stmani e mèś
1986
Regìa: Adrian Lyne
Scritōr: Elizabeth McNeill • Sarah Kernochan
Zalman King • Patricia Louisianna Knop
Atōr: Mickey RourkeKim BasingerKaren Young
Margaret WhittonDavid MarguliesCintia Cruz
Christine BaranskiRoderick CookDwight Weist
Müsica: Jack Nitzsche
Léngua: Ingléś
Dürä dal film: 111 minüt
Nasiōṅ: Stat Unî


«
Lì lōr i aṅ sćiancâ tut al règhli.»
(Tagline dal film)


9 settimane e ½ (Nóṿ stmani e mèś) 'l è 'n film eròtic americaṅ dal 1986 'd Adrian Lyne girâ tut a New York e dvintâ famóś p'r al sò erutìśum patinâ. 'L atōr pòran Ron Jeremy 'l à dâ di cunsìli p'r al séni più spurcacióni.

Al film 'l à muciâ sù sōl 7 migliòṅ ad dòlar in di Stat Unî a frònt dna spéśa ad 17 migliòṅ ma al s è arfàt dimóndi bèṅ in dal rèst dal mónd rivànd a ciapàr-an sènt migliòṅ.

La culòna sunóna, scrita par Jack Nitzsche, la gh'à dènt'r anc di braṅ ad Stewart Copeland, John Taylor di Duran Duran, Devo, Bryan Ferry, Devo, Eurythmics, Jean Michel Jarre e Joe Cocker che chè al canta You Can Leave Your Hat On, druàda in dal méntar che la Kim Basinger la s cava śò.

Sunt

John Gray (Mickey Rourke), un pès grôs ch'al lavóra a Wall Street, e Elizabeth McGraw (Kim Basinger), na dóna divursiàda ch'la fà la galerìsta a New York, i s cgnósan un dè in un negòsi ad Chinatown ch'al vénd di pui aròst e i tàcan a frequentàr-as, miténd in pē un rapòrt eròtic dimóndi difìcil in dua John al la pòrta in du al vōl lò faghénd-ag far quél ch'a gh vèṅ in mènt.

L’Elizabeth la taca a 'ndàr fóra ad tèsta sèg, cun anc al risć ad dvintàr un putòć in dal sò maṅ. Quànd la cgnós al pitōr Farnsworth (Dwight Weist), 'n óm dal tut difarènt da c'l àtar, la taca a 'rvultàr-as in di sò cunfrònt, anc parchè in cal méntar la vèṅ a savér che lò al pésca da spés da far dal sès a pagamènt.

Dòp avér pasâ incóra na nòt bujénta sèg, lē la dà 'n taj a la relasiòṅ, duràda in tut nóṿ stmani e mèś, e la tórna cun al làgarmi a i òć a 'l sò lavōr in galerìa méntar John, ch'al n è briśa bòṅ ad dir-ag quél ch'al sènt par lē, 'l armàṅ in dal sò apartamènt sénsa psér far gnint par ciamàr-la indrē.

Culegamènt estéran